काठमाडौं । निर्वाचन कार्यालयको पास नलिइ जवरजस्ती चलाउन खोज्ने ४४० सवारी साधन प्रहरीले नियन्त्रणमा लिएको छ ।
सरकारले निर्वाचनको दिनमा पास बिनाका र अत्याश्यक बिरामी बोकेका एम्बुलेन्स्, पानी ट्याङकर बाहेक अन्य सवारी साधन बेलुका ७ बजेसम्म चल्न नपाउने सूचित गरेपनि त्यसको बेवास्ता गर्दै राजधानीका विभिन्न सडकमा चलाएको अवस्थामा ४४० सवारी साधन नियन्त्रणमा लिइएको महानगरीय प्रहरी आयुक्त एआर्इजी जयबहादुर चन्दले बताए ।
“निर्वाचन कार्यालयको पास बिना चल्ने सवारी साधनलाई हामीले नियन्त्रणमा लिएका छौं, निर्वाचनलाई ध्यानमा राखि सरकारले सार्वजानिक बिदा दिएको छ,” उनले भने, “ सरकारले गरेको निणर्यको बेवास्ता गर्दै सवारी चलाउनेको सवारी साधन नियन्त्रणमा लिएका छौं, बेलुका निर्वाचन सकिएपछि छाड्छौं ।”