काठमाडौं । सरकारले बढुवा सिफारिशमा परेका नेपाल प्रहरीका चार डीआईजीलाई एआईजीमा बढुवा गरेको छ ।
मन्त्रिपरिषदको बुधबार बसेको बैठकले डीआईजीहरु मधुप्रसाद पुडासैनी, हेमन्तबहादुर पाल, माधवप्रसाद नेपाल र पंकज श्रेष्ठलाई एआईजीमा बढुवा गरेको हो । बढुवासँगै चारै जनाको पदस्थापना पनि गरिएको छ ।
गृह मन्त्रालयले एआईजी पुडासैनीलाई ५ नम्बर प्रदेश प्रहरी प्रमुख र एआईजी नेपाललाई ७ नम्बर प्रदेश प्रहरी प्रमुखको जिम्मेवारी तोकेको छ । त्यस्तै, एआईजी श्रेष्ठलाई कार्य विभाग, पाललाई मानव स्रोत व्यवस्थापन विभागमा पदस्थापन गरेको छ ।
त्यस्तै, गृहले ५ नम्बर प्रदेश प्रहरी प्रमुख एआईजी मिङमार लामा र ७ नम्बर प्रदेश प्रहरी प्रमुख एआईजी विजय भट्टको सरुवा गरेको छ ।
एआईजी भट्टलाई प्रहरी महानिरीक्षकको सचिवालय र लामालाई राष्ट्रिय सुरक्षा परिषद्को सचिवालयमा सरुवा गरिएको गृह स्रोतले जानकारी दिएको छ ।