site stats
बाह्रखरी :: Baahrakhari
राजनीति
Nabil BankNabil Bank
Sarbottam CementSarbottam Cement
एमाले, माओवादी र राप्रपासँग एक्लै लडेका सिटौलाको अवस्था कस्तो छ ? 
Ghorahi CementGhorahi Cement

भद्रपुर (झापा) । देशभर कम्युनिष्ट गठबन्धनका विरुद्ध कांग्रेस– राप्रपाको लोकतान्त्रिक गठबन्धन मैदानमा छ । उनीहरूबीच कडा प्रतिस्पर्धा पनि देखिएको छ ।

तर,  १ नम्बर प्रदेशको राजनीतिक केन्द्र झापामा भने ठिक त्यस विपरित भएको छ । र, राप्रपासमेत कम्युनिष्ट गठबन्धनमा सामेल भएर चुनावी प्रतिस्पर्धामा उत्रिएको छ । 

त्यसो त सुरूमा समानुपातिकतर्फको माथिल्लै सूचीमा रहेका कांग्रेस नेता कृष्णप्रसाद सिटौला पुनः प्रत्यक्षमा उठ्ने निधो गरेपछि झापा–३ मा कमल थापा नेतृत्वको राप्रपा र कांग्रेसबीच चुनावी तालमेल भत्किएको हो । र, कम्युनिष्ट गठबन्धनमा राप्रपा ‘घाँटी जोड्न’ पुगेको हो । 

Agni Group

अहिले झापा–३ मा  कांग्रेस एक्लै चुनावी मैदानमा छ भने कांग्रेस इतरका ३ महत्त्वपूर्ण शक्ति कृष्ण सिटौलाविरुद्ध चुनावी मैदानमा छन् ।  

०४८ सालमा ६ वटा क्षेत्र रहेको झापा सबैमा वामपन्थीले विजयीको झन्डा फहरायो । एमालेले जितेको हो उसबेला । त्यसयता भने वामपन्थीका अलावा कांग्रेस पनि बलियो शक्ति रहेको छ, झापामा । 

Global Ime bank

सिटौला छैटौँपटक चुनावी मैदानमा छन् । ३ पटक पराजय र दुई पटक जितेका छन् । ०५६ र ०७० को चुनाव जितेका हुन् उनले ।

देशभर नेपाली कांग्रेस र राप्रपाबीचमा चुनावी तालमेलको जोडघटाउ भइरहँदा झापा–३ मा राप्रपा वामपन्थीबीच लगनगाँठो कस्सिँदा प्रतिस्पर्धा रोचक बनेको हो ।

१ लाख १४ हजार ५८६ मतदाता रहेको झापा–३ मा सिटौला र लिङ्देनसहित १२ उमेदवार मैदानमा छन् । ११ जना विभिन्न पार्टीबाट छन् भने १ जना स्वतन्त्र उमेदवार छन् ।

वाम गठबन्धनले लिङ्देनलाई प्रतिनिधि सभातर्फ साझा उमेदवार बनाएको छ  भने प्रदेश सभातर्फ (क) मा एमालेका वसन्तकुमार बानियाँ उमेदवार बनेका छन् र (ख) मा पूर्णसिंह राजवंशी उमेदवार बनेका छन् ।

छैन चुनावी रौनक

मंगलबार बाह्रखरीको टोली स्थलगत रिपोर्टिङका लागि झापाको दक्षिणपूर्व पुगेको थियो । तर, त्यहाँ कुनै चुनावी रौनक थिएन । केही दिन घरदैलो गरेका सिटौला काठमाडौँ फर्किएका थिए भने राजेन्द्र लिङ्देन मेची पारीका दुई राजवंशी गाउँमा घरदैलोमा व्यस्त थिए ।

बाह्रखरीको टोली मेचीको किनारसम्म पुग्दा चुनावको कुनै रौनक भेटेन । मतदाताहरू फाँटमा बाली थन्क्याउन व्यस्त थिए भने एकाध कार्यकर्ता मोटरसाइकल र साइकलमा घरदैलो गर्दैथिए ।

किन त ?

भद्रपुर–८ का तोया गर्तौला भन्छन्, एमाले, माओवादी नेतृत्वले राप्रपालाई सघाउने निष्कर्षमा पुगेपछि वामकार्यकर्ता अन्योलमा छन् ।

०४८ यता वामपन्थीको प्रचारशैलीलाई नजिकबाट नियालेका उनले यसपटकको चुनावमा कुनै रौनकता भेटेका छैनन् । 

“नेतृत्व तहका कार्यकर्ताबाहेक सामान्य समर्थक, शुभेच्छुक निराश छन् । उनीहरूमा चुनावको कुनै उत्साह छैन । राप्रपाको झन्डा बोकेर कसरी मैदानमा जानू भन्छन्,” गर्तौलाले भने ।

त्यसो त देशभर एमालेको आधारभूततहसम्म संगठन राम्रै छ । झापामा पनि बलियो छ । तर, अघिल्लो चुनावमा लिङ्देन सिटौलाको निकटतम प्रतिद्वन्द्वी बन्दा झापा–३ मा एमालेको संगठन कमजोर भयो । र, स्थानीय तहमा दक्षिणी झापाका केही तहहरूमा पराजयसमेत बेहोर्यो ।

वडाहरूमा पहिलो मत भए पनि बाह्रदशी गाउँपालिकामा एमाले पराजित भयो । बाह्रदशीमा एमालेको पपुलर भोट ५ हजार ३४३ हुँदा गाउँपालिका अध्यक्षमा ५ हजार ५३९ मत ल्याएर कांग्रेस विजयी भयो । त्यस्तै कचनकवल, हल्दिबारी गाउँपालिकामा पनि राप्रपा विजयी भयो, एमाले पछि पर्यो ।

अतः यसपटक लिङ्देन विजयी भए एमालेको संगठन क्षतविक्षत हुने भयले गाँजेको छ भन्छन् तोया गर्तौला ।

अन्य मतदाता के भन्छन् ?

स्थलगत रिपोर्टिङका क्रममा हामीले भद्रपुरका ७ वडा र दक्षिणी बेल्ट, भीमनगर, पृथ्वीनगरलगायतका ठाउँहरूका मतदातासँग कुराकानी ग¥यौँ । त्यसमध्ये सहरका मतदाता सिटौलाका पक्षमा देखिए भने देहातका मतदाताले लिङ्देनलाई भोट दिन्छौँ भने । 

त्यसमध्ये थिइन्, राधिकादेवी श्रेष्ठ । उनले यसपटक लिङ्देनकै पल्ला भारी हुने तर्क प्रस्तुत गरिन् । 

“एक्लै लड्दा त दोस्रो भएका हुन् लिङ्देन, यसपटक त उनलाई तीन पार्टीको समर्थन छ,” उनको भनाइ थियो ।

त्यस्तै उनले अर्को तर्क प्रस्तुत गरिन्, दुई पटक चुनाव जित्दा पनि सिटौलाले जनताको पक्षमा केही काम गरेनन् । चुनाव जितेमात्रै ।

“उमेदवारै देख्न मुस्किल छ,” उनको भनाइ थियो ।

यता गर्तौलाले भने त्यसलाई अस्वीकार गरे । सिटौलाकै पालामा चारआली– केचनाकवल चक्रपथ, पाठामारी– बालुवारी सडक ठेक्का प्रक्रिया सुरू भइसकेको । त्यस्तै भद्रपुर– राजगढ हुलाकी सडक एकवर्षभित्र पिच हुनेगरी ठेक्का सम्झौता भइसकेको र यी सबै काममा सिटौलाकै भूमिका भएको जिकिर गरे ।

त्यस्तै उनले नगर क्षेत्रका ४८ किलोमिटर सडक नालासहित बन्नेगरी प्रक्रिया अघि बढिसकेकाले केही पनि काम भएन भन्नु केवल आरोप भएको टिप्पणी गरे ।

भद्रपुर–८ का त्रोणविक्रम कार्कीले भद्रपुर विराटनगरजत्तिकै जेठो, पुरानो सहर भए पनि विकासले पछि परेको भन्दै मतदाता निराश भएको तर्क गरे । 

“सहरकै अवस्था देहातको जस्तो छ, गाउँ कहिले बन्ने हो यकिन छैन । झापाका मतदाता चलायमान छन् । सचेत पनि छन्,” उनले भने ।

उनले कार्यकर्ताबीचमा पार्टी एकता होला त भन्ने संशय रहेको भन्दै गठबन्धनकै पक्षमा मतजानेमा शंका व्यक्त गरे । अघिल्ला चुनावमा जसरी कार्यकर्ता प्रचार–प्रसारमा नखटिएको उनले पनि जानकारी दिए ।

उनले मतको अंकगणितका हिसाबले कम्युनिष्ट गठबन्धन धेरै अगाडि देखिए पनि गठबन्धनको सबै मत लिङ्देनले नपाउने जानकारी दिए । 

“एमाले, माओवादीका केही कट्टरपन्थी छन्, तिनको मत लिङ्देनले पाउँदैनन्,” उनको भनाइ थियो ।

सिटौलाको दाबी– जनताले राजतन्त्रलाई भोट हाल्दैनन्
\"\"

मकवानपुर–१ मा राप्रपा अध्यक्ष कमल थापालाई सघाएको कांग्रेसका नेतासमेत रहेका सिटौलाले जनताले राजतन्त्रको पक्षमा मत नहाल्ने दाबी गरे । झापाबाट काठमाडौँ पुगेर पत्रकार सम्मेलन गरेका सिटौलाले झापाका जनता राजतन्त्रको पक्षमा नरहेको र आफूले नै मत पाउने दाबी गरेका हुन् ।

“मेरो लडाईं पनि अरू दलसँग होइन, गणतन्त्र र परिवर्तन विरोधी राप्रपासँग हो, गणतन्त्र जोगाउनका लागि पनि मेरो जित आवश्यक छ,” उनको भनाइ थियो ।

राजेन्द्र भन्छन्– सिटौलाले २५ वर्षमा गर्न नसकेको विकास ५ वर्षमै गरेर देखाउँछु 

\"\"

०४६ सालदेखि झापा–३ को नेतृत्व गरेका कृष्ण सिटौलाले २५ वर्षमा गर्न नसकेको काम ५ वर्षमै गरेर देखाउँछु भन्छन् राजेन्द्र लिङ्देन । बाह्रखरीसँगको कुराकानीमा उनले झापामा वामपन्थीसँग मिलेर चुनावमा जाँदा निरंकुशतावादीसँग के घाँटी जोडेको होला भनेर टिप्पणी गर्ने कांग्रेसले बाँकी ७६ जिल्लामा राप्रपाकै वैसाखी टेकेर लोकतन्त्र जोगाउन लागिपरेको टिप्पणी गरे ।

उनले भने, “अहिलेको युग सूचना र प्रविधिको युग हो, जनतालाई ढाँट्न पाइँदैन । २५ वर्ष झापा–३ को नेतृत्व गरेका सिटौलाले विकासको नाममा के गर्नु भयो ? जनताले जान्न चाहेका छन्,” उनको प्रश्न थियो ।

त्यस्तै उनले स्थानीय तहमा झापा–३ क ५ हजार भन्दा बढी मतदाताले झुक्किएर हलगोरुमा मत हालेको भन्दै यसपटक त्यो मत गाइमै खस्ने दाबी गरे ।  त्यस्तै झापा–३ मा १५ हजार मतदाता थपिएको र थपिएका मतदाता देशभक्त, वामपन्थी, राष्ट्रवादी गठबन्धनकै भएको दाबीसमेत गरे ।

झापा–३ मा सबैभन्दा बढी मजदुर बसोबास गर्ने बताउँदै तिनको संरक्षण र श्रमको सम्मानजनक मूल्य पाउने अवस्था निर्माणका लागि आफू कटिवद्ध रहेको जानकारी दिए । कुराकानीका क्रममा उनले आफूले चुनाव जितिसकेको बताउँदै कति मतान्तरले जित्ने भन्नेमात्रै बाँकी रहेको भने ।

मतको अंकगणित
 

झापा–३ बाह्रदशी गाउँपालिका, हल्दीवारी गाउँपालिका, कचनकवल गाउँपालिका, भद्रपुर नगरपालिकाको वडा नम्बर १, २, ३, ४, ५, ६, ७, ८ र बिर्तामोड नगरपालिकाको वडा नम्बर १० समेटिएर बनेको छ ।

स्थानीय तहको निर्वाचनलाई आधार बनाउने हो भने झापा–३ मा वामसहितको राष्ट्रवादी गठबन्धनको ४३ हजार ६२१ मत देखिन्छ भने कांग्रेस एक्लैको मत १९ हजार २८० देखिन्छ ।
 

NIBLNIBL
प्रकाशित मिति: बुधबार, मंसिर ६, २०७४  ०८:१२
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC