काठमाडौं । ‘पहिलो बाह्रखरी कर्पोरेट गल्फ प्रतियोगिता’ को उद्घाटन भएको छ । बाह्रखरी मिडिया प्रालिले आयोजना गरेको प्रतियोगिताको उद्घाटन शनिबार बिहान बलिउड अभिनेत्री मनिषा कोइरालाले गरेकी हुन् ।

एक दिने प्रतियोगिता ग्लेनेइगल्सद्वारा डिजाइन गरिएको गोकर्ण गल्फ क्लबमा जारी छ ।  प्रतियोगितामा कर्पोरेट क्षेत्रका ९० भन्दा बढी गल्फरले सहभागिता जनाएका छन्  । प्रतियोगिता १८ होलमा ३४ हेन्डीक्याम्प स्टेबलफोर्ड फर्म्याटमा हुनेछ ।

प्रतियोगिताको बिजेताले सुनको गोल्डेन बल पुरस्कार प्राप्त गर्ने छन् । प्रतियोगिताको आकर्षणमा रहेको होल इन वन गर्ने खेलाडीले टाटा कम्पनीको जेष्ट गाडी पुरस्कार प्राप्त गर्नेछन् ।

त्यस्तै अन्य विजेताहरुले ट्रफी तथा गिफ्ट प्राप्त गर्ने छन् । प्रतियोगितामा बेष्ट ग्रस, लंगेस्ट डाइभ, क्लोजेस्ट टु द पिन तथा मोस्ट बर्डिज समेत पुरस्कृत हुनेछन् । 

एनआईसी एशिया बैंकको मुख्य प्रायोजनमा हुने प्रतियोगिता आगामी वर्ष पनि हुने बाह्रखरी मिडिया प्रालिले जनाएको छ ।