काठमाडौं । शुक्रबारदेखि रिलायन्स लाईफ इन्स्योरेन्सले सेवा सुरु गरेको छ । कम्पनीले कृष्ण टावर नयाँबानेश्वरस्थित आफ्नो प्रधान कार्यालयबाट सेवा सुरु गरेको हो । 

इन्स्योरेन्सले आइतबार कारोबार गर्ने अनुमति पाएको थियो । पछिल्लो समय नेपालीहरुको आयस्तर बढेको र कुल गार्हस्थ उत्पादन पनि उच्च रहेको कम्पनीको ठहर छ । नयाँ बीमा कम्पनीहरुको आगमनले व्यवसाय विस्तार गर्न थप मद्दत मिल्ने कम्पनीका अध्यक्ष ताराचन्द केडियाले बताए ।

कम्पनीले सुरुवातमा नै ३ वटा जीवन बीमा योजना सञ्चालनमा ल्याएको छ । निकट भविष्यमा थप ४ बीमा योजना सञ्चालनमा ल्याउने कम्पनीको भनाइ छ ।
कम्पनीको अध्यक्षमा ताराचन्द केडिया, सञ्चालकमा पवन कुमार अग्रवाल, भरत कुमार तोडी लगायत रहेका छन् ।  कम्पनीको नायव प्रमुख कार्यकारी अधिकृतमा निराजन कँडेल, महाप्रवन्धकमा यसके तमोट रहेका छन् । 

कम्पनीमा हाल ११३ जना प्रवद्र्धक रहेका छन् । हाल कम्पनीको १ अर्ब ४७ करोड चुक्ता पुँजी रहेको छ । कम्पनीले निकट भविष्यमा सर्वसाधारणको लागि ६३ करोडको सेयर जारी गर्ने बताएको छ ।  सर्वसाधारणलाई सेयर जारीपछि कम्पनीको चुक्ता पुँजी २ अर्ब १० करोड पुग्ने जनाएको छ ।