ad

खेल

पहिलो हाफसम्म नेपाल र फिलिपिन्स गोलरहित बराबरीमा

काठमाडौं । एएफसी एसियन कप छनोट अन्तर्गत नेपाल र फिलिपिन्सले पहिलो हाफसम्म गोलरहित बराबरी खेलका छन् । फिलिपिन्सले पाएको सुनौलो अवसरलाई सदुपयोग गर्न नसक्दा पहिलो हाफमा नेपालसँग गोलर रहित बराबरी खेलेको हो ।
सातदोबाटोस्थित एन्फा कम्प्लेक्समा नेपालले फिलिपिन्सलाई पहिलो हाफसम्म गोलरहित बराबरीमा रोक्न सफल भएको छ । एकपछि अर्को आक्रामक खेलेको फिलिपिन्सले गोल गर्ने राम्रो मौका गुमाएको थियो ।
एसियन कपको छनोटबाट बाहिरिसकेको नेपालको लागि आजको खेल प्रतिष्ठाको लडाइँमात्र हुनेछ । तर, नेपालको लक्ष्य होम खेलमा फिलिपिन्सलाई रोक्ने रहेको छ । फिलिपिन्सविरुद्धको पहिलो खेलमा नेपाल उसैको मैदानमा ४ – १ ले पराजित भएको थियो  ।
छनोटको समूह एफमा रहेको नेपाल ४  खेलबाट १ खेलमा बराबरी र तीन खेलमा पराजित हुँदै १ अंकसहित तालिकामा पुछारमा रहेको छ । फिलिपिन्सपछि नेपालले यमनसँग अवे खेल खेल्न बाँकी छ । समूहको विजेता र उपविजेताले सन् २०१९ मा युएईमा हुने एएफसी एसियन कपमा भाग लिन पाउनेछन् । एएफसी एसियन कप छनोटमा ग्वामले नखेल्ने भएपछि नेपालले छनोट खेल्ने मौका पाएको हो ।
फिलिपिन्स समूहको शीर्ष स्थानमा रहेको छ । आज नेपाललाई पराजित गरे फिलिपिन्स पहिलोपटक एसिया कपको लागि छनोट हुनेछ । फिलिपिन्सको ४ खेलबाट २ खेलमा जित र दुई खेलमा बराबरी खेल्दै ८ अंक बनाएको छ । दोस्रो स्थानमा यमन रहेको छ । यमनको ४ खेलबाट एक खेलमा जित र ३ खेलमा बराबरी खेल्दै ६ अंक छ । त्यस्तै तेस्रो स्थानमा रहेको ताजिकिस्तानको ४  खेलबाट २  खेलमा जित र २ खेलमा हारसहित ६ अंक रहेको छ ।
 

तपाईंको मत