काठमाडौं । नेपाली कथानक चलचित्र ‘कुइनेटो’को अडियो गीत ‘जुकवक्स’ सार्वजनिक गरिएको छ । मिडिया एन्ड इन्टरटेन्टमेन्टको व्यानरमा निर्माण भएको चलचित्र ‘कुइनेटो’को अडियो गीत ‘जुकवक्स’ हाइलाइट्स नेपालले सार्वजनिक गरेको छ । 

सार्वजनिक गरिएको अडियो गीतमा ‘आकासको जुन तिमी’, ‘जलेको जल्यै छ यो मन’ र ‘मै सानी सानी’ छन् । दशैंपछि प्रदर्शनको तयारी गरिएको  चलचित्र ‘कुइनेटो’मा श्रीदेव भट्टराई, सानीया खान, श्रीजु अधिकारी एनआर रिमाल, केशव सापकोटा, मोतीराम जैशी, गंगा भुजेल, किशोर विसी गोपाल क्षेत्री, रविन्द्र बम लगायतका कलाकारको अभिनय छ । 

जनकराज अधिकारीको छायांकन, प्रदिप दाहालको सम्पादन, किरण दाहालको द्वन्द्व रहेको यस चलचित्रलाई माधव खरेलले निर्देशन गरेका छन् । 

सुदुरपश्चिमका विभिन्न स्थानमा छायांकन गरिएको चलचित्रमा सुदुरपश्चिमको स्थानीय परिवेश र कथालाई समेटिएको छ । “शाही कालीन परिवार स्थानीय थारु समुदायका केटाकेटीबिचको माया पे्रमको द्वन्द्व चलचित्रमा उठाइएको छ,” निर्देशक खरेलले भने, “सुदुरपश्चिमको स्थानीय भाषा र कलाकारलाई प्रयोग गरेका छौं । स्थानीय जनजीवनलाई नै उतारिएको हुँदा केही हदसम्म भाषा र कलाकार पनि त्यहीँको प्रयोग गरिएको खरेलले बताए । उनले सुदुरपश्चिमको स्थानीय परिवेशलाई चलचित्रमा देखाइए पनि दर्शकले भने त्यसलाई आफ्नै ठान्ने बताए । 

निर्देशक खरेलले यही महिना ‘कुइनेटो’को टिजर र ट्रेलर सार्वजनिक गरिएको हो ।