काठमाडौं । अजय देवगनको फिल्म ‘गोलमाल अगेन’ प्रदर्शन भएसँगै सबैको होसहवास उडेको छ । फिल्ममा समावेश कमेडीले दर्शकको मन जित्नुका साथै बक्स अफिसमा रेकर्ड तोड्ने गरी आर्जन गरिरहेको कमाईले मानिसहरुलाई आश्चर्य चकित पारेको छ ।
फिल्म ‘गोलमाल अगेन’ ले प्रदर्शनको पहिलो दिन ३०.१४ करोड रुपैयाँ कमाइ गरेर यस वर्ष कै ‘हाइएष्ट बक्स अफिस ओपनर’ बन्न सफल भएको छ । अजयको ‘गोलमाल अगेन’ आमिर खानको ‘दंगल’ ले बनाएको ‘ओपनिङ डे कलेक्सन’ तोड्दै बक्स अफिसको नयाँ ‘हाइएष्ट’ फिल्म बनेको छ ।
शाहरुख खानको ‘ह्याप्पी न्यू इयर’ अहिलेसम्म ‘हाइएष्ट ओपनर’ मा पहिलो स्थानमा छ । यस फिल्मले पहिलो दिन कुल ४४.९७ करोड रुपैयाँ कमाएको थियो । दोस्रो नम्बरमा रहेको ‘बाहुबली–२’ ले पहिलो दिन ४१ करोड, तेस्रो नम्बरमा रहेको सलमान खानको ‘प्रेम रतन धन पायो’ ले ४०.३५ करोड चौथो नम्बरमा रहेको सलमान कै ‘सुलतान’ ले ३६.५४ करोड बराबरको कारोबार गरेको थियो ।
पाँचौं स्थानमा रहेको ‘धूम–३’ ले ३६.२२ करोड, ‘चेन्नई एक्सप्रेस’ ले ३३.१२ करोड, ‘एक था टाईगर’ ले ३२.९३ करोड, ‘सिंघम रिटन्र्स ३२.०९, ‘गोलमाल अगेन’ ३०.१४ करोड र ‘दंगल’ ले २९.७८ करोड कारोबार गर्ने फिल्ममा पछैन् ।
रोहित शेट्टीको निर्देशनमा बनाइएको ‘गोलमाल अगेन’ मा अजय देवगन, परिणीती चोपाडा, तब्बु, तुषार कपूर, श्रेयस तलपडे, अशरद वारसी र कुणाल खेमु मूख्य भूमिकामा छन् ।