काठमाडौं । आपूर्ति व्यवस्थापन तथा उपभोक्ता हित संरक्षण विभागले तिहारको लागि विशेष अनुगमन गर्ने भएको छ । तिहारमा व्यापारिक चहलपहल बढ्ने भएकोले त्यसलाई मध्यनजर गरेर तिहार विशेष अनुगमन गर्न लागेको हो । विभागका महानिर्देशक कुमारप्रसाद दाहालले अनुगमन बिहीबारदेखि सुरू हुने बताए । अनुगमन काठमाडौं उपत्यकाभित्र गरिने उनको भनाइ छ ।
विभागका निर्देशक लक्ष्मण श्रेष्ठले आफ्नो समन्वय र संयोजकत्वमा अनुगमन गर्ने जनाए । “हामीले तीन ओटा समूह बनाइ उपत्यकामा अनुगमन गर्नेछौं,” उनले भने “एउटा समूहमा ४÷५ जनाको संख्या रहनेछ ।” उनका अनुसार ती समूहहरूको नेतृत्व क्रमशः रमेशकाजी श्रेष्ठ, ढुन्डिराज पोखरेल र रामकृष्ण श्रेष्ठले गर्नेछन् ।
बजारमा अत्यधिक कैफियत भेटिने तथा सर्वसाधारणले दैनिक उपभोग गर्ने सामग्रीहरूको अनुगमन गरिने विभागले जनाएको छ । विभागले खाद्यन्न, मिठाइ, फलफुल, माछा–मासु लगायतका वस्तुहरूको अनुगमनलाई प्राथमिकता दिने निर्देशक श्रेष्ठको भनाइ छ । “यी वस्तुहरू तिहारमा अन्य बेलाकोभन्दा बढी किनबेच हुने भएकोले उपभोक्तालाई ठगिनबाट जोगाउन अनुगमन गर्न लागेको हो,” उनले भन