काठमाडौं । अभिनेत्री रेखा थापा र आर्यन सिक्देल स्टारर  चलचित्र ‘रुद्रप्रिया’ को प्रिमियर शो मा सूचना तथा सञ्चारमन्त्री मोहनबहादुर बस्नेत पनि सहभागी भएका छन् ।

सोमबार साँझ भएको प्रिमियर शो मा सञ्चारमन्त्री बस्नेत पनि सहभागी भएका हुन् । मन्त्री बस्नेतले कलाकार तथा पत्रकारसँगै बसेर चलचित्र ‘रुद्रप्रिया’ हेरेका थिए ।   

सुदिप बबी भुषाल सिंहको निर्देशन रहेको चलचित्रमा रेखा र आर्यनसँगै राजन इशान, टिका पहारीलगायतका कलाकार मुख्य भू्मिकामा छन् । 

‘रुद्रप्रिया’ लभ स्टोरी र सोसल ड्रामा जानरामा निर्माण भएको चलचित्र हो । बाल्यकालको साथित्वको सम्बन्ध वयस्क हुँदा कसरी प्रेममा परिणत हुन्छ र त्यसको प्राप्तीका लागि गरिएको संघर्ष नै चलचित्रको स्टोरी लाइन हो ।  

चलचित्र कात्तिक २ गते लक्ष्मी पूजाको दिनबाट देशभर प्रदर्शन हुँदैछ ।