प्रनिशा अधिकारी

काठमाडौं । स्वस्थ र सुन्दर कपालले व्यक्तिको सुन्दरतामा ठूलो भूमिका हुन्छ । स्वस्थ्य र सुन्दर कपालका लागि तेल आवश्यक पर्छ । व्यक्तिलाई आकर्षक देखिन कपालका स्टाइलहरुले पनि उत्तिकै साथ दिएको हुन्छ । 

हामी सबैलाई एकै खाले कपालका स्टाइलहरु मन पर्दैन । र सबैलाई एकै खालको स्टाइलले पनि सुहाउँदैन । फरक स्टाइलका लागि फरक/फरक तरिका अपनाउन सकिन्छ । तर यसको लागि हाम्रो कपाल स्वस्थ हुनुपर्छ । स्वस्थ्य कपालको लागि हामीले कपालमा आवश्यकता अनुसारको हेरचाह गर्नुपर्छ । 

कपाल स्वथ्य र सुन्दर बनाउनुलाई ओयल मसाज पनि भनिन्छ । कपालमा बेला बेलामा तेल लगाउने गर्यौं भने पनि कपाल सुन्दर, चम्किलो तथा मुलायम हुन्छ । कपालमा तेल लगाउने तरिका भने फरकफरक छन् । कस्तो कपाललाई कस्तो र कति तेल लगाउने कपालमा समस्या आउँदैन । 

तेल प्रयोग गर्ने तरिका 

कस्तो कपाललाई कस्तो तेल प्रयोग गर्ने भन्ने कुराले महत्व राख्छ । सबै खाले कपाललाई सबै खाले तेल प्रयोग गर्नु फाइदाजनक हुँदैन । तेलले कुनै पनि साइड इफेक्ट त पार्दैन तर तेलको प्रयोगले कपालमा कुनै सकारात्मक प्रभाव परेन भने तेल लगाउनुको कुनै अर्थ रहँदैन । 

सुख्खा कपालमा नरिवलको तेल हालेर हल्का तरिकाले मसाज गर्नाले हाम्रो कपाल सुन्दरका साथै कपालमा भएको सुख्खा पन मेटाई कपाललाई नरम पनि बनाउँछ । विशेष गरी मेहेन्दी तथा कलर गरेको कपालमा नरिवलको तेल लगाउँदा फाइदा हुन्छ । किनभने मेहेन्दी तथा रङ लगाएको बेला कपाल सुख्खा हुन्छ । 
सुख्खा नभएको तथा नर्मल खालको कपाललाई बिग्रन नदिन तथा स्वस्थ राख्न पनि तेल मसाज गर्नु आवश्यक हुन्छ । नर्मल कपाललाई हप्तामा दुईपटकसम्म ओयल मसाज गर्नु फलदायी हुन्छ । 

कपालमा तेल लगाए पछि कतिसमय राख्दा हामीलाई फाइदा हुन्छ त्यसको ख्याल राख्नु पनि आवश्यक पर्छ । एकदम बढी ड्राई भएको कपालमा तेल लगाएर रातभरी राख्दा राम्रो हुन्छ । यदि तपाईलाई टाउको तथा छालाको केही समस्या छ भने तपाईंले राती तेल लगाएर सुत्नु हुँदैन । यसको नकारात्मक असर पनि पर्न सक्छ । सामान्यतः तेल राखेको १/२ घण्टामा पखाल्दा राम्रो हुन्छ । 

कतिपयले तातो तेलको मसाज गर्ने गरेको पाइन्छ । तर यसो गर्दा हाम्रो जरा कमजोर हुने तथा कपाल झर्ने समस्या आउन थाल्छ ।  

यदि तपाई नुहाउनु भन्दा पहिला तेल मसाज गर्नुहुन्छ भने बाक्लो खालको तेल लगाउने गर्नुपर्छ । तेल कपालको जरा सम्म पुग्ने गरी लगाउने र १/२ घण्टा राखेर नुहाउनुपर्छ । 

नुहाइसके पछि तेल लगाउनु हुन्छ भने पातलो खालको तेल लगाउँदा राम्रो हुन्छ । यसले कपालमा साइनिङ पनि दिन्छ । नुहाएर बाक्लो खालको तेल लगाएमा अनुहारमा बग्न थाल्छ ।