काठमाडौं । राष्ट्रपति विद्यादेवी भण्डारीले चन्द्रागिरि हिल्स लिमिटेड परिसरमा निर्मित नेपाल एकीकरणका प्रणेता पृथ्वीनारायण शाहको पूर्णकदको शालिक अनावरण गरेकी छन् ।
मुर्तीकार नविन सुवेदीले निर्माण गरेको सो शालिकको उचाई ५ फिट ८ इन्च रहेको जनाइएको छ ।
उक्त अनावरण कार्यक्रमलाई सम्बोधन गर्दै राष्ट्रपति भण्डारीले पृथ्विनारायण शाहले गरेको एकीकरण सम्बन्धमा चर्चा गरेकी थिइन् ।
उनले चन्द्रागिरिजस्तो ऐतिहासिक स्थानमा एकीकृत पर्यटकीय गन्तव्यका रुपमा विकास गरी संस्थाले अनुकरणीय काम गरेकोमा प्रशंसा गरेको जनाइएको छ ।
समारोहमा संस्कृति पर्यटन तथा नागरिक उड्डयनमन्त्री जितेन्द्र देव, नेपाली काँग्रेसका वरिष्ठ नेता रामचन्द्र पौडेल, एकीकृत नेकपा माओवादीका उपाध्यक्ष नाराणकाजी श्रेष्ठ, चन्द्रागिरि हिल्स लिमिटेडका अध्यक्ष चन्द्रप्रसाद ढकाल लगायतको उपस्थितति रहेको थियो ।