काठमाडौं । ताम्रकार मोबाइल मेलामा सञ्चालन भइरहेको अयोजनामा शसेन्द्र बिक्रम चौधरीले मोटरसाईकल जितेका छन् । ‘दशैं तिहारको बहार ताम्राकार कम्प्लेक्समा मोबाइल किन्दा उपहार नै उपहार’ योजना अन्तर्गत पहिलो मोटरसाइकल चौधरीले पाएको कम्प्लेक्सले जनाएको छ । उनले ताम्राकार कम्प्लेक्समा १५ हजार पर्ने ‘एमआइको एवान ४ ए’ मोबाइल खरिद गरेको भनिएको छ । मेलामा मुख्य प्रायोजन रहेको लेनेभो र मोटोरोला मोबाइलका सिइयो शुशिल न्यौपानेले उनलाई बाइकको चाबी हस्तान्तरण गरेको जनाइएको छ । 

दैनिक रुपमा मोबाइल, पावर बैंक र अन्य एशोसेरिज लक्की ड्रबाट बितण गर्दै आएको ताम्राकार मोबाइलले राखेका ३ वटा बम्पर उपहार मध्ये एउटा मोटरसाइकल लक्की ड्रमा खोलिएको जनाइएको छ । लक्कीड्रमा राखिएको अन्य २ ओटा मोटरसाइकल र स्कुटर भने, दिपावलीपछि खोलिने मोबाइल ब्यापार संघ, ताम्राकार कम्प्लेक्सका अध्यक्ष जगत साउदले बताए । उनका अनुसार दैनिक २ ओटा मोबाइल भने, साप्ताहिक रुपमा ३२ इन्चको सामसुङ टेलिभिजन बितरण गरिरहेको छ । 

त्यस्तै अहिलेसम्म ताम्राकारमा मोबाइल खरिद गर्नेमध्ये २६ वटा स्मार्टफोन, ४० वटा पावर बैंक, ४० वटा ब्लुतुथ एअरफोन बितरण गरिसकिएको  जनाइएको छ । 

भदौ २२ गतेबाट सुरु भएको उक्त मेलामा हालसम्ममा १५ हजार ५ सय भन्दा बढी मोबाइल सेटहरु बिक्री भएको, २२ करोड ४० लाख बढीको कारोबार भएको र ६० हजारबढी अबलोकनकर्ताले मेलाको अवलोकन गरेको बताइएको छ ।