काठमाडौं । मास्टर सेलेक्सन गल्फ प्रतियोगिता शुक्रबारबाट रोयल नेपाल गल्फ क्लबमा सुरु हुने भएको छ । आयोजक विजय डिस्टिलरी प्रालिले बिहिबार पत्रकार सम्मेलन गर्दै दुई दिने प्रतियोगिता शुक्रबार र शनिबार हुने जानकारी दिएको हो ।

रोयल नेपाल गल्फको शतकीय बार्षिकोत्सवको अवसरमा हुन लागेको प्रतियोगिता अन्डर स्टेबल फोर्ड ३र४ हान्डीकापको आधारमा हुने छ । प्रतियोगितामा महिला र पुरुषगरि १०० बढी गल्फरको सहभागिता रहेको प्रतियोगिता संयोजक किशोर अग्रवालले जानकारी दिए । रोयल नेपाल गल्फ क्लबका खेलाडी र मेम्बरमात्र सहभागी हुन् पाउने  प्रतियोगितामा ८ महिला खेलाडी सहभागी हुने छन् ।

वर्षायाम सकिएपछि पहिलो प्रतियोगिताको रुपमा रहेको मास्टर सेलेक्सन गल्फ बिजेताहरुले ट्रफीसहित बिशेष गिफ्ट ह्याम्पर पाउने छन् । बिजेताहरुले काठमाडौँ थाईल्याण्ड आउने जाने एअरलाइन्सको टिकट र उपविजेताले काठमाडौँ दिल्लीको टिकट पाउने छन् । यस्तै बेष्ट ग्रसले काठमाडौँ पोखरा आउने जाने र बस्ने टिकट पाउने छन् ।

यस्तै बिजेताहरुको लागि आयोजक विजय डिस्टिलरीले बिशेष एडिसनबाट मास्टर सेलेक्सन ब्लेनडेड माल्ट विस्की समेत बजारमा ल्याएको छ । उक्त विस्कीको उद्घाटन समेत प्रतियोगिताको अन्तिम दिन शनिबार हुनेछ ।