देश
काठमाडौं । नेपाल खाद्य संस्थानले यो वर्षको दशैंका लागि विभिन्न जिल्लाबाट खरिद गरेर ल्याएका खसीबोका तथा च्यांग्राको बिक्री सुरु गरेको छ । बिहीबारेखि च्यांग्रा बिक्री सुरु भएको र शुक्रबारबाट खसीबोका पनि बिक्री सुरु हुने संस्थानले जनाएको छ ।
मुस्ताङ जिल्लाबाट करिब ५०० च्यांग्रा ल्याइएको छ भने खसी तथा बोका दाङको तुलसीपुरबाट ल्याइएको छ । संस्थानले खसी तथा च्यांग्रा करिब ४५ केजीसम्मका खरिद गरेर ल्याएको छ ।
खसीको प्रतिकेजी ४६५, बोकाको प्रतिकेजी ४६० र च्यांग्राको प्रतिकेजी ६८५ रुपैयाँ मूल्य तोकिएको छ । यसमा १० प्रतिशत छुट पाइन्छ ।
प्रकाशित मिति: बिहीबार, असोज ५, २०७४ १६:२७
प्रतिक्रिया दिनुहोस्