काठमाडौं । चालू आर्थिक वर्ष २०७४–०७५ को पहिलो महिना साउनमा करिब २७ प्रतिशत व्यापार घाटा बढेको छ । गएको आर्थिक वर्षको साउनको तुलनामा चालू आर्थिक वर्षको सोही महिनामा २६. ५५ प्रतिशतले व्यपार घाटा बढेको हो ।
मुख्य गरी भारत, चीन, बेलायत, अमेरिका, टर्की, फ्रान्स, अर्जेन्टिनालगायत देशहरुसँग व्यापार भएको देखिन्छ । भान्सार विभागले जनाएअनुसार गएको आर्थिक वर्षको पहिलो महिनामा ७७ अर्ब ११ करोड रुपैयाँको कुल व्यापार भएकोमा ७० अर्ब १६ करोड रुपैयाँको आयात गरिएको थियो । चालू आर्थिक वर्षको सोहि अवधिमा ९३ अर्ब ४१ हजारको व्यापार भएकोमा ८६ अर्ब ७० करोड रुपैयाँको आयात भएको देखिन्छ ।
निर्यात भने गएको वर्षको तुलनामा करिब ४ प्रतिशतले घटेको छ । गएको वर्षको साउन महिनामा ६ अर्ब ९५ करोड रुपैयाँको निर्यात भएकोमा यो वर्ष सोहि अवधिमा ६ अर्ब ७० करोड रुपैयाँको मात्रै विभिन्न मुलुकमा निर्यात भएको छ ।
चालू वर्षको पहिलो महिनाको अवस्थालाई नियाल्दा निर्यातको तुलनामा आयात १३ गुणा बढी देखिन्छ । त्यस्तै कुल व्यापारको करिब ९३ प्रतिशत हिस्सा अयातको छ भने ७ प्रतिशत हिस्सा मात्रै निर्यातको छ ।
गएको वर्ष यसै अवधिमा हालको भन्दा केहि कम अयात र निर्यातको रेसियो देखिन्छ । जसमा निर्यातभन्दा आयात १० गुणा, कुल व्यापारमा अयातको हिस्सा ९१ प्रतिशत र निर्यातको हिस्सा ९ प्रतिशत थियो ।
सबैभन्दा बढी आयात भारतबाट
व्यापार भएका प्रमुख मुुलुकहरु मध्ये सबैभन्दा बढी भारतबाट आयात भएको छ । भारतबाट मात्रै चालु आर्थिक वर्षको पहिलो महिनामा कुल व्यापार भएमध्येबाट ५५ अर्ब ७२ करोड अर्थात ६४ प्रतिशत आयात भएको देखिन्छ । विभागको तथ्याङ्क अनुसार त्यस्तै चीनबाट १३ प्रतिशत, अर्जेन्टीनाबाट ३ प्रतिशत, फ्रान्सबाट २ र अन्य देशहरुबाट १८ प्रतिशत रहेको छ ।
निर्यातमा पनि सबैभन्दा बढी भारतमा भएको छ । जसमा ३ अर्ब ६३ करोड अर्थात ५४ प्रतिशत निर्यात भरतमा भएको हो । त्यसपछि १३ प्रतिशत अमेकिरा, ६ प्रतिशत टर्की, ४ प्रतिशत बेलायत र २३ प्रतिशत अन्य देशमा भएको देखिन्छ ।