काठमाडौं । फेसबुक कम्पनीले म्यान्मारमा रोहिंग्या मुसलमानहरूमाथि भैरहेको हिंसाका बारेमा सोसल मिडियामा बढाईचढाई गरेर पोस्ट गर्ने व्यक्तिहरूको अकाउन्ट बन्द गर्न थालेको छ । यस कुराको जानकारी फेसबुकका प्रवक्ता रुचिका बुधराजाले दिएका छन् ।

उनले यसबारे भने ‘‘हामी चाहन्छौं फेसबुक एउटा त्यस्तो प्लेटफर्म हो, जहाँ मानिसहरू पूर्ण जिम्मेवारीका साथ कुनै कुरा पोस्ट या सेयर गरून् । हामी सुरक्षित र सन्तुलित अभिव्यक्तिका लागि प्रयासरत छौं ।’’ 

म्यान्मारका सम्बन्धमा सामुदायिक मानकहरूको गहिरोसँग समीक्षा गरिँदै छ । यी मानकहरूमा खरो नउत्रिने पोस्ट या अकाउन्टलाई हटाइँदै छ ।’’

भारतीय दैनिक नई दुनियाँका अनुसार रुचिका बुधाराजाले जुन व्यक्तिहरूको पोस्ट हटाइएको छ या अकाउन्ट बन्द गरिएको छ, उनीहरूलाई फेसबुकले साँचो कुरा बताउने मौका अवश्य दिने विश्वास व्यक्त गरेका छन् ।