राजनीति

कांग्रेस पहिलो पार्टी बन्छ देउवा

महोत्तरी । स्थानीय तहको चुनावमा कांग्रेस पहिलो पार्टी बन्ने सभापति तथा प्रधानमन्त्री शेरबहादुर देउवाले बताएका छन् । महोत्तरीको बर्दिबासमा बुधबार आयोजित चुनावी सभालाई सम्बोधन गर्दै प्रधानमन्त्री देउवाले स्थानीय तहको निर्वाचनमा तराई मधेशका जनताले कांग्रेसलाई नै रोज्ने दाबी गरे । 

तराईमा हुने बाढी समस्या समाधानका लागि भारत सरकार प्रतिबद्ध रहेको उनले खुलासा गरे । हुलाकी राजमार्गले तराईलाई समृद्ध बनाउने प्रधानमन्त्री देउवाले विश्वास व्यक्त गरे । 
भारत र नेपालको सम्बन्ध बलियो रहेको उनले स्पष्ट पारे । सुनकोशी बाँध बाँधेर कमलामा पानी झारेपछि बिजुली र पानीको समस्या समाधान हुने विश्वास उनले व्यक्त गरे । 
उनले एमालेको राष्ट्रवादले देश खतरामा फसेको आरोप लगाउए । 
कांग्रेसका महामन्त्री शशांक कोइरालाले मधेशका मधेशीलाई अधिकारसम्पन्न बनाउनु र समृद्ध राष्ट्र निर्माण गर्नु काँग्रेसको प्रमुख दुई एजेण्डा रहेको बताए । 
त्यस्तै, कांग्रेस नेता विमलेन्द्र निधिले एमालेले संविधान संशोधन गर्न विपक्षमा मतदान गरेकाले एमाले मधेशमा पराजित हुने दाबी गरे । कांग्रेसका अर्का नेता कृष्णप्रसाद सिटौलाले कांग्रेस जिताउनु भनेको देशलाई जिताउनु रहेको बताए । 
रासस 
 

तपाईंको मत