काठमाडौँ । हामीले बच्चालाई गाईको दूध पोषणयुक्त्त भनेर खान दिन्छौं । बच्चाहरुलाई सबै खाना मिलाएर खान दिइयो भने बच्चाहरु स्वस्थ हुन्छन् । हामीमध्ये कतिले दूध दिएमात्र बच्चाहरुले पोषण पाउँछन् भन्ने सोचेका हुन्छौँ । तर बच्चाहरुलाई कति मात्रामा दूध दिनुपर्छ भन्ने कुराको हामीले ख्याल राख्नुपर्छ ।
हालै भएको एक अध्ययनअनुसार डाक्टरहरुको भनाइ छ कि दिनमा दुई गिलास गाईको दूध बच्चाहरुको भिटामिन डी तथा आइरनका लागि पर्याप्त हुन्छ । बाल रोग विशेषज्ञ डाक्टर माग्यूरे भन्छन्, आजसम्म पनि डाक्टर र आमाहरु सबै अलमलमा छन् कि बच्चाको विकासका लागी कति दूध दिनुपर्छ भन्ने कुरा थाहा नै छैन । उनी यो अध्ययनको लिडर पनि हुन् । उनका अनुसार आइरन तथा भिटामिन डी गाईको दूधको दुई मुख्य पोषण तत्व हो ।
दुई वर्ष भन्दा माथि र ५ वर्षभन्दा कम उमेरका १३०० भन्दा बढी बच्चाहरुमा गरिएको अध्ययनबाट पत्ता लागेको छ कि कति दूध बच्चाहरुलाई दिँदा उनीहरुको शरीरमा यो दुई पोषक तत्वहरुले साथ छोडेको हँुदैन । बच्चाहरुबाट पत्ता लाग्यो कि दिनमा धेरै पटक दूध पिउने बच्चाहरुको शरीरमा भिटामिनको मात्रा धेरै पाइयो भने आइरनको मात्रा भने पाउँदै पाइएन । यो अध्ययनबाट डाक्टरहरु यो निष्कर्षमा पुगे कि बच्चाहरुलाई गाईको दूध दिनमा दुई गिलासमात्र दिनुपर्छ । आजतकबाट