काठमाडौं । गैर आवासीय नेपाली संघ (एनआरएनए)को नेतृत्व चयन प्रक्रिया विभिन्न देशमा भइरहेको छ । विश्वभरि छरिएर रहेका नेपालीहरुलाई एकत्रित बनाउने उद्धेश्यले सन् २००३ मा गठन भएको यो संस्थाको संजाल अहिलेसम्म ७६ देशमा फैलिएको छ । यसैगरी भर्खरै मात्र बेल्जियममा पनि गैर आवासीय नेपाली संघ राष्ट्र्यि समन्वय परिषद बेल्जियमले धादिंग जन्मथलो भै बेल्जियमलाई कर्मथलो बनाएका लोक दाहाललाई  निर्वाचित गरेको छ ।
 
बेल्जियमको स्थानीय राजनीति र सामाजिक कार्यमा सक्रिय दाहाल सन् १९९९ देखि बेल्जियममा स्थायी बसोबास गदैै आएका हुन् । एमाओवादीको भातृसंगठन जनप्रगतिशील मंचका बरिष्ठ उपाध्यक्ष रहेका दाहालले मातृपार्टीको नीति अनुसार नै काँग्रेस भ्रातृसंगठन जनसम्पर्क समिति लगायत अन्य पार्टीका भ्रातृसंगठनसँग गठबन्धन गर्दै लोकप्रिय मत ल्याएर विजयी भएका हुन् । 
उनले विगतमा नेपालमा गएको बाढी पहिरो, महाभूकम्पमा आर्थिक सहयोग जुटाउँदै बेल्जियमबाट डाक्टरलगायत औषधी उपचारसमेत जुटाएर सहयोग पुर्याएका थिए ।
 
स्थानीय भाषामा राम्रो दखल भएका दाहाल बेल्जियममा सफल व्यवसायी पनि हुन् । होटल तथा पर्यटन क्षेत्रमा उनले लगानी बढाएका छन् । देशका विकट जिल्लाहरुमा आधाभूत प्राथमिक स्वास्थ्य सेवा तथा शिविर संचालन गर्दै आएका दाहाल एक समाजसेवी हुन् । अबको उनका कार्यकाल केवल नेपालमा पर्यटन प्रवद्र्धन गर्ने लगानीको वातावरण तय गर्ने नेपालमा उत्पादन बस्तुलाई विदेशी अन्र्तराष्ट्र्यि मार्केटमा पुर्याउने रहेको जनाएका छन् ।