ad

घटना क्रम

चिनियाँ सेनामा भर्ना हुने ? यस्ता छन् १० टिप्स 

काठमाडौं । चिनियाँ सेना पिपुल्स लिबरेसन आर्मीले अधिक कम्प्युटर गेम खेल्नु, हस्तमैथुन गर्नु र मदिरा सेवन गर्नुलाई कमजोर स्वास्थ्यका लागि जिम्मेवार मान्दै आफ्नो सेनामा भर्ती हुन यी व्यसनबाट टाढा रहनुपर्ने बताएको छ । 

सेनामा भर्ना हुन चाहने युवा युवतीलाई टिप्सका रूपमा यस्तो सुझाव दिइएको बीबीसीको समाचारमा उल्लेख छ । चिनियाँ सेनाले यो सल्लाह म्यासेजिङ एप्स बीच्याटअन्तर्गतको आफ्नो आधिकारिक एकाउन्ट ‘चाइनिज पिपल्स आर्मी’ मा १९ अगस्तमा दिएको थियो । यससँगै चीनका त्यस्ता प्रमुख सहरहरूको तथ्याङ्क पनि सार्वजनिक गरिएको थियो, जहाँबाट आवेदन दिनेमध्ये ५६ प्रतिशत युवा शारीरिक परीक्षामा फेल भएका थिए ।  

यी टिप्सको अनुसरण गर्ने आकांक्षीहरूलाई शारीरिक योग्यता परीक्षा पास गर्न सहज हुने सेनाको भनाइ छ । एउटा अनलाइन पोस्टमा पिपुल्स लिबरेसन आर्मीले सोडायुक्त पेयपदार्थ र मदिरा सेवन, कम्प्युटरमा अत्यधिक गेम खेल्ने बानी एवं हस्तमैथुनलाई युवाहरूको कमजोर स्वास्थ्यका लागि जिम्मेवार बताएको छ । उक्त अनलाइन पोस्टमा चीनमा सेनामा भर्ना हुन आउने युवाहरूमध्ये फेल हुनेहरूको संख्या चिन्ताजनक रहेको र हरेक सहरबाट भाग लिने कम्तीमा आधा युवाहरू फेल हुने गरेको बताइएको छ । चीनमा सैनिक भर्ती बढाउनका लागि सैनिक टिभी र फिल्मी ड्रामा आदिका माध्यमले सेनाको गुणगान गर्ने गरिन्छ, तर पनि युवाहरूमा सैनिक पेसाप्रति खासै चाख छैन । 

सेनाले युवाहरूलाई भर्तीका लागि आवेदन दिनुपूर्व १० वटा कुरा ख्याल गर्न भनेको छ, जुन निकै रोचक छन् ः 

१. फिँज उठ्ने पेय पदार्थ र मदिरा सेवन नगर्नोस्, किनभने झण्डै २५ प्रतिशत आवेदक रगत र पिसाब परीक्षणमा फेल हुन्छन् । 

२. स्क्रिनको सामुन्ने धेरै समय नबिताउनोस्, किनभने भर्ती प्रक्रियामा झण्डै ४६ प्रतिशत उमेदवारहरू नेत्र परीक्षणमा फेल हुन्छन् ।

३. शारीरिक व्यायाम अत्यधिक गर्नोस्, किनभने झण्डै २० प्रतिशत आवेदक तौल धेरै भएर फेल हुन्छन् । 

४. कम्प्युटर गेम र हस्तमैथुनबाट टाढा रहनोस्, किनभने झण्डै ८ प्रतिशत आवेदक धेरै बसिरहने र हस्तमैथुनका कारण उत्पन्न स्वास्थ्य समस्याले गर्दा फेल हुन्छन् ।

५. राम्ररी निदाउनोस्, किनभने झण्डै १३ प्रतिशत आवेदक हाइ ब्लड प्रेसरका कारण सेनामा भर्ती हुन पाउँदैनन् ।

६. ट्याट् नबनाउनोस् । 

७. सफा पानी पिउनोस्, किनभने झण्डै ७ प्रतिशत उमेदवार कान, नाक या घाँटीको समस्याका कारण बाहिरिन्छन् । 

८. आनुवंशिक परिस्थितिबारे राम्रो उपचार गराउनोस् । ३ प्रतिशत व्यक्तिहरूलाई धेरै पसिना आउने र खुट्टामा समस्या भएका कारण अनुत्तीर्ण गराइयो । 

९. मानसिक समस्याको उपचार गराउनोस् । १६ प्रतिशत व्यक्तिहरू मानसिक समस्या र डिप्रेसनका कारण प्रतियोगिताबाट बाहिरिन्छन् । 

१०. सफाइमा विशेष ध्यान दिनोस् । ३.४ प्रतिशत युवाहरूलाई बिरामीका कारण बाहिर गराइयो । 
 

तपाईंको मत