काठमाडौं । आठ महिनामा बलिउडमा ७ वटा चलचित्र सुपरहिटको क्याटेगोरीमा छन् । पछिल्लो चलचित्र हो अक्षय कुमारको ‘टोइलेटः एक प्रेम कथा’ । यो चलचित्र वर्षको सातौँ सुपरहिट चलचित्र हो । 

यो चलचित्र पाँचै दिनमा ब्लकबस्टरको वर्गीकरणमा पनि परेको छ । अक्षयको यो डबल धमाका हो । यस अघि आएको अक्षयकै ‘जोली एलएलबी–२’ पनि सुपरहिट भएको थियो ।
वर्षको पहिलो महिना जनवरी २५ मा आएको ऋतिक रोशन र यामी गौतमको चलचित्र ‘काबिल’ ले १२६.८५ करोड कमाइ गरेको थियो । यो चलचित्र शाहरुख खानको ‘रईस’ को प्रतिस्पर्धामा एकैदिन रिलिज भएको थियो । 

१० फेब्रुअरीमा आएको अक्षय कुमारको चलचित्र ‘जोली एलएलबी–२’ ले ११७ करोड कमाइ गर्दै सुपरहिट भएको थियो । १० मार्चमा वरुण धवन अभिनित चलचित्र ‘बद्रीनाथ की दुल्हनिया’ रिलिज भयो चलचित्रले ११६ करोड कमाइ गर्दै सुपरहिटमा दरियो ।

२८ अप्रिलमा आएको एसएस राजामौलीको चलचित्र ‘बाहुबली–२’ ले हिन्दी भर्जनबाट मात्रै ५१५ करोडको कमाइ गर्यो ।

१९ मे मा आएको चलचित्र ‘हिन्दी मिडियम’ आश्चर्यजनक परिणाम पायो । उति राम्रो ओपनिङ गर्न नसकेको चलचित्रले ६९ करोड कमाइ गर्दै सुपरहिटमा दरियो । 

२१ जुलाईमा आएको चलचित्र ‘लिपिस्टिक अन्डरमाई बुर्का’ ६ करोडमा बनेको चलचित्रले १८.५ करोड बढीको कमाइ गर्यो । लागतभन्दा तेहेरो कमाइ गरेको चलचित्र यो सूचीमा पर्न सफल भयो ।