काठमाडौं । च्याम्पियन्स लिग छनोटअन्तर्गत प्ले अफको पहिलो खेलमा इंग्लिस क्लब लिभरपुलले जित हात पारेको छ । मंगलबार राति सम्पन्न खेलमा जर्मन क्लब होफनहाइमलाई लिभरपुलले २–१ गोलअन्तरले पराजित गरेको हो ।
होफनहाइमले आफ्नो घरेलु मैदानमा पाहुना टोली लिभरपुललाई खेल अवधिभर नियन्त्रणमा राखेपनि गोल गर्न नसकेपछि पलिहो लेगको खेलमा हार ब्यहोर्नु परेको हो । खेलको ३५ र्औं मिनेटमा लिभरपुलका एलेक्जेन्डर आर्नोल्डले गोल गर्दै सुरुवाती अग्रता दिलाएका थिए ।
पहिलो हाफसम्ममा १–० ले पछि परेको होफनहाइमले दोस्रो हाफमा राम्रो प्रदर्शन गर्दै खेलमा फर्किने संकेत देखाएपनि आत्मघाती गोल खादै २–० गोलले पछि परेको थियो । खेलको ७४ औं मिनेटमा होफनहाइमका हाभर्ड नर्डभिटले आफ्नो टोलीका लागि आत्मघाती गोल गरेका थिए ।
खेलको ८७ औं मिनेटमा होफनहाइमका लागि मार्क उलले गोल गर्दै २–१ को स्थितिमा पुर्याएका थिए । दोस्रो लिगको खेल अब लिभरपुलको मैदानमा हुनेछ ।