काठमाडौं । लक्ष्मी बैंकले शाखा संजाल विस्तार गर्ने क्रममा आज (आइतबार) रुपनदेहिको, मणिग्राममा आफ्नो नयाँ शाखा संचालनमा ल्याएकोे छ । भैरहवा र बुटवल पश्चात्, बैंकले सो क्षेत्रमा तेस्रो शाखा खोलेको जनाएको छ । उक्त शाखा जोगीकुटिबाट स्थानान्तरन गरिएको बैंकको भनाइ छ ।
अहिले बैंकको शाखा संजाल ६९ पुगेको बताएको छ । त्यस्तै ३ हस्पिटल सेवा काउन्टर, ८८ ‘एटिएम’ २ हजार ५ सयभन्दाबढी रेमिटेन्स् र ४ सयभन्दा बढी मोबाईल एजेन्टहरु रहेको जानकारी दिएको छ ।
यस शाखाको विस्तारसँगै बैंकले ग्राहकहरुलाई उनीहरुकै रोजाईको माध्यममार्फत शाखा कार्यालय, इन्टरनेट बैंकिङ्ग र मोवाईल बैंकिङ्ग सेवा प्रादन गरी फड्को मार्ने दावी गरेको छ ।
सन् २००२ मा स्थापना भएको लक्ष्मी बैंकले आज आफ्ना शाखाहरु तथा सूचना प्रविधिको माध्यमबाट बृहत स्तरमा सेवा प्रदानगर्न सफल भएको दावी गरेको छ ।
गएको वर्ष अर्थात २०७३÷७४ मा ५९ अर्ब ३२ करोड रुपैयाँ निक्षेप र ५२ अर्ब ७३ करोड रुपैयाँ कर्जा पु¥याएको जनाएको छ ।
बैंकका अनुसार वासलातको आकार ७० अर्ब ९० करोड रुपैयाँ रहेको छ । त्यस्तै करिब १ अर्ब रुपैयाँ खुद मुनाफा आर्जन गरेको बैंकको भनाइ छ । जुन अघिल्लो वर्षको सोही अवधिको तुलनामा २७ प्रतिशतले बढी हो ।