काठमाडौं । खेमकला–हरिकला लामिछाने प्रतिष्ठानले पद्मश्री पुरस्कारको लागि उत्कृष्ट पाँच पुस्तकको सूची सार्वजनिक गरेको छ ।
जनकराज सापकोटाकृत कहर, कुमार नगरकोटीको घाटमाण्डु, राज सरगमद्वारा लिखित छाउघर, नविन विभासले लेखेको रोल्पा सुइना र नवराज पराजुलीद्वारा रचित सगरमाथाको गहिराइ कविता संग्रह उत्कृष्ट पाँचको सूचीमा अटाइएको छ ।
प्रतिष्ठानले ०७३ सालमा प्रकाशित र प्राप्त भएसम्मका पुस्तकहरू सङ्कलन गरेको र तिनै पुस्तकहरूमध्येबाट विभिन्न विद्वानहरूको रायसल्लाहसमेतको आधारमा प्रतिष्ठानले पाँच उत्कृष्ट पुस्तक मनोनयन गरेको जनाएको छ । यिनै पाँच कृतिमध्येबाट विद्वान मूल्याङ्कन कर्ताहरूले उत्कृष्ट ठहराएको एक कृतिलाई पद्मश्री साहित्य पुरस्कार अर्पण गरिने प्रतिष्ठानका संरक्षक जीवा लामिछानेले जानकारी दिएका छन् ।