काठमाडौं । विश्वकै ठूलो प्रजातान्त्रिक मुलुक भारतले सोमबार नयाँ राष्ट्रपतिको रुपमा रामनाथ कोबिन्दलाई निर्वाचित गर्दैछ ।
सत्तारुढ भारतीय जनता पार्टीले पनि राष्ट्रिय स्वयंम सेवक संघका रामनाथ कोबिन्दलाई समर्थन गर्दैछ भने गत हप्तामात्रै पनि भाजपाले आफ्नो पल्ला भारी बनाउनको लागि अरु साना पार्टीसँग छलफल गरेको थियो ।
विश्लेषकहरु भाजपाको यो कदम प्रधानमन्त्री नरेन्द्र मोदीको आफ्नो प्रभाव र शक्ति बढाउने उद्धेश्यको रुपमा लिन्छन् । भारतीय संविधानअनुसार प्रधानमन्त्री र क्याबिनेटले कार्यकारी अधिकार दिएको छ तर विशेष अवस्थामा भने राष्ट्रपतिले आफ्नो अधिकार प्रयोग गर्न पाउँछन् र प्रधानमन्त्री मोदी यस्तो विशेष अवस्थाको लागि पहिलेदेखि नै तम्तयार रहने ध्येयमा देखिन्छन् ।
भारतीय राष्ट्रपतिले संसदीय चुनावको नतिजा अनिर्णित भएमा र सरकार बनाउन धेरै समय लागे आफ्नो विशेष अधिकार प्रयोग गरि कुनै एक पार्टीलाई सरकार गठनको जिम्मेवारी दिन सक्छन् । प्रधानमन्त्री मोदीको भाजपा अहिले बलियो देखिए पनि कालान्तरमा यस्तै कुनै अवस्था आए जोखिम लिन चाहन्न् ।
नयाँ राष्ट्रपति बन्न लागेका ७२ वर्षिया र दलित नेताको रुपमा चिनिएका कोबिन्दले यसअघि भारतीय सर्वोच्च अदालतको सरकारी वकिलको रुपमा काम गरिसकेका छन् साथै उनी एकपटक प्रान्तीय गर्भनर पनि बनिसकेका छन् ।
तर भाजपाले भविश्यमा आफ्नो स्वार्थको लागि प्रयोग गर्ने स्पष्ट भइसके पनि उनले भने आफु कुनै पनि पार्टीसँग सम्बन्धित नहुने दाबी गरेका छन् ।
“मैले गर्भनरको रुपमा जिम्मेवारी निर्वाह गरिसकेको छु र त्यस समयदेखि म कुनै पार्टीसंग आवद्ध छैन । भारतको राष्ट्रपतीय पद राजनीति भन्दा माथि रहेको छ र म यो भुमिका सोही अनुसार निर्वाह गर्छु,” अघिल्लो महिना आफ्नो उम्मेदवारी दर्ता गर्दा बताएका थिए ।
यता कंग्रेस र कम्युनिष्ट पार्टीले कोबिन्दका विपक्षमा उठाएको उमेदवार मिइरा कुमारले भने आफ्नो उम्मेदवारी कोबिन्दको सिद्धान्तलाई चुनौती दिनलाई भएको बताएकी छिन् ।
“यो चुनाव भनेको देशको उच्च पदको लागि हो । म कोबिन्द जीको सम्मान गर्छु तर म उनलाई होइन उनको सिद्धान्तलाई चुनौती दिनको लागि उम्मेदवार बनेको हुँ,” उनले भनिन् ।
इलेक्ट्रोरल कलेजको आधारमा राष्ट्रपति चुन्दै आएको भारतमा दुबै सदनका सदस्यहरुको भोटको आधारमा नयाँ राष्ट्रपति चुन्छ । अहिले पनि भारतीय जनता पार्टीको पक्षमा दुबै सदनमा बहुमत रहेकाले भाजपाले चुनेको उम्मेदवार नै राष्ट्रपति चुन्ने पक्का पक्की छ ।
सोमबार कोबिन्द राष्ट्रपतिको रुपमा चुनिए पछि मोदीको उच्च पदमा आफ्नो पक्षका व्यक्तिहरु नियुक्त भएपछि मोदीको हिन्दुत्वको लडाइं झन् सबल हुनेछ । मोदीले आफु अनुकुल व्यक्तिहरु मुख्यमन्त्री र गर्भनरमात्रै नभइ अब शैक्षिक संस्था र थिंक ट्याङ्कमा पनि आफ्नो प्रभाव बढाउन सक्छन् ।
गत मार्चमा मात्रै पनि मोदीले योगी आदित्यनाथलाई उत्तर प्रदेशको मुख्यमन्त्री बनाएका थिए । आदित्यनाथलाई यसअघि भारतमा मुसलमानविरुद्ध हिंसा फैलाएको आरोप लाग्दै आएको थियो ।
भारतको सबैभन्दा बढी जनसंख्या भएको उत्तर प्रदेशको मुख्यमन्त्री बनेसंगै आदित्यनाथले गाईको संरक्षणको लागि कठोर नियम ल्याएका थिए भने योगाको विरुद्धमा रहेका समुहलाई उनले या त देश छाड्न या त समुद्रमा डुबेर ज्यान दिन भनेका छन् ।
