काठमाडौं । गायक कमल खत्रीले एक वर्ष अगाडि सार्वजनिक गरेको गीत ‘म गीत हुँ तिम्रो’ पुन युट्युब च्यानलमा अपलोड गरेका छन् । 

विसं २०७३ को साउनको तेस्रो साता अपलोड गरेको गीत ‘म गीत हुँ तिम्रो’ युट्युबबाट रिमुभ भएपछि उनले सोही गीत पुनः अपलोड गरेका हुन् । “साढे ९ लाख भ्युअर्स रहेको गीत प्राविधिक कारणबस रिमुभ भएपछि मैले पुनः सोही गीत युट्युब च्यानलमा अपलोड गरेको छु । स्रोता तथा दर्शकले गीत मेरो युट्युब च्यानमा हेर्न सक्नुहुन्छ ।”

जुलाई ११ मा अपलोड गरिएको उक्त गीत एकम महिनामा डेढ लाख पटक  सर्च गरिएको थियो । 

पोखराका तालहरुलाई लोकेशन बनाएर खिचिएको भिडियोमा खत्री स्वयमले अभिनय गरेका छन् भने उनलाई स्वरमा साथ दिने सिम्पल खरेलले अभिनय पनि गरेकी छन् । सिम्पलको यो पहिलो गीत हो । 

गीतमा कमल खत्रीकै शब्द तथा संगीत छ । कमलले यो गीत मार्फत नै आफ्नो युट्युव च्यानल पनि खोलेका थिए ।