काठमाडौं । उपप्रधान तथा परराष्ट्रमन्त्री कृष्णबहादुर महरासँग नेपालका लागि अस्ट्रेलियन राजदूत पिटर बड बीच बिहीबार शिष्टाचार भेटवार्ता भएको छ ।
परराष्ट्र मन्त्रालयमा भएको भेटमा नेपाल–अस्ट्रेलीयाबीचको आपसी सहयोग तथा दुई देशबीचको सम्बन्धका विषयमा छलफल भएको थियो ।
सो अवसरमा मन्त्री महराले नेपाल नयाँ चरणमा प्रवेश गरेको र यस सन्दर्भमा अष्ट्रेलियन लगानी आउने विश्वास गरे । उनले आर्थिक, शैक्षिक तथा अन्य क्षेत्रमा अस्ट्रेलियन सरकारले पु¥याएको सहयोगको प्रशंसा गरे ।
राजदूत बडले पछिल्लो वर्षमा अस्ट्रेलियामा नेपालीको वसोबास बढेको उल्लेख गर्दै दुई देशको सम्बन्धमा जनस्तरसम्म विकसित भएको बताए ।
उनले आगामी दिनमा दुई देशबीचको सम्बन्ध थप मजबुद हुने विश्वास व्यक्त व्यक्त गरे ।
यसैबीच मन्त्री महरासँग विश्व खाद्य कार्यक्रमकी राष्ट्रिय प्रतिनिधि पेप्पा ब्राडफोर्डले आज परराष्ट्र मन्त्रालयमा शिष्टाचार भेट गरेकी छन् ।
सो अवसरमा उनीहरुबीच नेपाल सरकारसँग भएको खाद्य कार्यक्रमबीच भएका सम्झौताका विषयमा छलफल भएको मन्त्रालयले जनाएको छ ।