काठमाडौं । मोरङको बिराटनगर महानगरपालिकाको मतगणना अझै सुरु हुन सकेको छैन । निर्वाचनमा सहभागी भएका सबै दलका प्रतिनिधि सर्वदलीय बैठकमा नआएका कारण मतगणना सुरु हुन नसकेको हो ।
यसअघि साढे ११ बजेबाट मतगणना सुरु हुने भनिएको थियो । विराटनगर महानगरमा नेपाली कांग्रेसका तर्फबाट मेयरको उमेदवारमा भीम पराजुली, एमालेका तर्फबाट बिनोद ढकाल तथा समाजबादी फोरम र माओवादी केन्द्र गठबन्द्धनका तर्फबाट मेयरमा उमेशकुमार यादवले उमेदवारी दिएका छन् । एमालेले फोरम लोकतान्त्रिकसँग गठबन्द्धन गरेको छ । एमालेले उपमेयरमा फोरम लोकतान्त्रिककी सूची चौधरीलाई उठाएको छ ।
१९ वटा वडा रहेको विराटनगरमहानगरमा १ लाख १२ हजार ८३२ मतदाता छन् । विराटनगर महानगरमा ११९ मतदान केन्द्र तोकिएको थियो । मोरङमा ७० प्रतिशत मतदान भएको छ ।