काठमाडौं । सुनसरीको इटहरी उपमहानगरपालिकामा मतगणना सुरु भएको छ । राजनीतिक दलका प्रतिनिधिसहितको सर्बदलीय बैठक सम्पन्न भएपछि मतगण्ना सुरु भएको इटहरी उपमहानगरपालिकाका निर्वाचन अधिकृत भरतमणी रिजालले जानकारी दिए ।  

इटहरीमा नेकपा एमालेका तर्फबाट मेयरको उमेदवारमा द्वारिकलाल चौधरी, कांग्रेसकातर्फबाट रोहित प्रसाइँ, माओवादी केन्द्रका तर्फबाट हीरामायाँ जिमी मेयरका लागि चुनावी मैदनमा खडा छिन् । राप्रपा उमेदवार रोहित कार्की इटहरी उपमहानगरकाको मेयरका लागि चुनावी प्रतिस्र्धामा छन् । 

२० वटा वडा रहेको इटहरी उपमहानगरपालिकामा ७७ हजार ६९४ मतदाता रहेकोमा  ५७ हजार ३७९ मतदाताले मतदान गरेका थिए । सुनसरी जिल्लामा ७१ प्रतिशत मत खसेकोे सबैभन्दा धेरै इटहरी उपमहानगरपालिकामा ७३.८५ प्रतिशत मत खसेको आयोगले जनाएको छ । 

इटहरी उपमहानगरका २० वटा वडामा १, ३, ६ र २० नम्बर वडालाई कांग्रेसको पक्कड क्षेत्र मानिदै आएको छ भने १० नम्बर वडा फोरम लोकतान्त्रिकको बलियो उपस्थिति रहेको बताइन्छ । ११ र १३ नम्बर वडामा राप्रपाको पकेट क्षेत्रका रुपमा लिइएको वडा हो भने १७ नम्बर वडामा माओवादी केन्द्रको उपस्थिती बलियो रहेको पाइन्छ । बाँकी १२ वडा भने एमालेको आधार इलाका मानिन्छ ।