काठमाडौं । अभिषेक बच्चन जेपी दत्ताको आगामी चलचित्र पलटनबाट पुनरागमन गर्न तयार छन् । चलचित्र इंडो–चाइना युद्धमा आधारित छ । तर राम्रो खबर यो चलचित्रबाट दुई सुपरस्टारले केमियो पनि गर्दैछन् । केमियो गर्ने स्टारमा सुनिल शेट्टी र जेकी श्रफ छन् । 

फिल्मीबिटका अनुसार अभिषेक बच्चन, अर्जुन रामपाल, सोनु सुद, पुलकित सम्राट पनि यो चलचित्रमा छन् । तर  सुनिल शेट्टी र जेकी श्रफको केमियो हुनु निकै रमाइलो कुरो हो । चलचित्रमा यी दुईको भूमिका निकै रमाइलो भएको बताइएको छ । यो केमियो निकै छोटो भने हुने छैन यसलाई ‘एक्सटेन्डेन्ट केमियो’ भनिएको छ ।
चलचित्रका अन्य कास्टको भूमिका ठूलै हुनेछ । चलचित्रको फस्र्ट लुक जारी गरिसकिएको छ तर सबै कास्ट भने घोषणा भइसकेका छैनन् । अभिषेक बच्चनका फ्यान उनको यो पुनरागमन हेर्न आतुर छन् ।