पुनर्निर्माण

जनस्तरबाट काष्ठमण्डप पुनः निर्माणमा महानगरपालिकाले सहयोग गर्ने

काठमाडौं । काठमाडौं महानगरपालिका प्रमुख विद्यासुन्दर शाक्यले काष्ठमण्डप पुनःनिर्माणमा हरसम्भव सहयोग गर्ने वचन दिएका छन् । काष्ठमण्डप पुनःनिर्माण अभियानका अध्यक्ष वीरेन्द्रभक्त श्रेष्ठसँग बुधवार भएको भेटमा जनसहभागिताबाट काष्ठमण्डपको पुनःनिर्माणमा सहयोग गर्न महानगरपालिका तत्पर रहेको बताएको अध्यक्ष श्रेष्ठले जानकारी दिए । 

काष्ठमण्डपको पुनःनिर्माण जनसहभागिताबाट निर्माण गर्नका लागि राष्ट्रिय पुनःनिर्माण प्राधिकरण, पुरातत्व विभाग, काठमाडौं महानगरपालिका तथा काष्ठमण्डप पुनःनिर्माणका लागि अभियानबीच गत वैशाख २९ गते समझदारीपत्रमा हस्ताक्षर भएको थियो ।

महानगरपालिका प्रमुख शाक्यलाई काष्ठमण्डप पुनःनिर्माणमा भएको प्रगतिको जानकारी गराइएको पनि अध्यक्ष श्रेष्ठले बताए । स्मरणीय छ, प्रमुख शाक्यको सय दिनको प्राथमिकतामा काष्ठमण्डप पनि परेको छ । 

श्रेष्ठका अनुसार हाल काष्ठमण्डपको डिजाइन तथा लागत इस्टिमेट तयार गर्ने, जग एवं बाँकी काठको संरक्षण गर्ने र अमूर्त सम्पदाको अन्वेषण र अभिलेखनको काम भइरहेको छ ।   

तपाईंको मत