मकवानपुर । प्रहरीलाई आर्थिक प्रलोभन देखाइ दुर्व्यवहार गर्ने एक चालक पक्राउ परेका छन् । मकवानपुर भीमफेदी गाउँपालिका २, भैंसेस्थित चेकपोस्टमा प्रहरीलाई आर्थिक प्रलोभन देखाइ दुर्व्यवहार गरेको आरोपमा रौतहट चन्द्रपुर नगरपालिकामा डेरा गरी बस्ने रामगणेश साह पक्राउ परेका हुन् ।

उक्त स्थानमा खटिएको प्रहरीले रौतहट चन्द्रनिगाहपुरबाट काठमाडौंतर्फ आउँदै गरेको बा.१६च ८९७१ नम्बरको मारूती भ्यानलाई जाँच गर्ने क्रममा उक्त भ्यानमा सुरक्षा मापदण्डविपरीत बढी संख्यामा मानिसहरू चढाएकामा त्यस्तो नगर्न आग्रह गर्दा आर्थिक प्रलोभन देखाइ दुर्व्यवहार गरेको प्रहरी दाबी छ ।

उनीविरुद्ध सार्वजनिक हित र नैतिकताविरूद्धको कसुरमा मुद्दा दायर गरी थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।