काठमाडौं । स्थानीय तहको पहिलो चरणको निर्वाचनमा नेकपा (एमाले)ले अहिलेसम्म ३३ नगरपालिका र ७२ गाउँपालिका गरी १०५ स्थानीय तहमा विजय हासिल गरेको छ । घोषित मत परिणामअनुसार निर्वाचन भएका ३४ जिल्लाका सदरमुकाम तथा प्रमुख शहरी क्षेत्रका नगरपालिकामा विजय हासिल गर्नुका साथै एमालेले विगतको विजयलाई निरन्तरता दिंदै अग्रता कायम गरेको छ ।
मतगणना भइरहेका चार महानगरपालिकामध्ये तीन महानगरपालिका काठमाडौं, भरतपुर र पोखरा–लेखनाथमा एमालेको अग्रता कायमै छ भने ललितपुर महानगरमा पनि नेपाली काँग्रेसका उम्मेदवारसँग एमालेले मतान्तर कम गर्दै अगाडि बढिरहेको जनाएको छ ।
विगतमा सधै नेपाली कांग्रेसले जित्दै आएका नवलपुरको गैडाकोट र काभ्रेको बनेपामा समेत यसपाली एमालेले ऐतिहासिक विजय हासिल गरेर कांग्रेसको गढ भत्काएको छ । साथै, दुई जना दलित समुदाय र दुई जना महिलालाई नगरप्रमुखमा निर्वाचित गराउन सफल भएको छ ।
यी हुन् एमालेले जितेका नगरपालिका र गाउँपालिका