काठमाडौं । अमेरिकाले कोरोना भाइरसको संक्रमण भएका बिरामीका लागि रेमडेसिविर औषधि प्रयोग गर्न अनुमति दिएको छ ।
रेमडेसिविर इबोलाका रोगीको उपचारका लागि प्रयोग गरिँदै आएको औषधि भएको बीबीसीले जनाएको छ ।
यद्यपि विज्ञहरूले कोरोना बिरामीहरू यो औषधिले पूर्ण रूपमा निको हुनेछन् भनेर अहिले नै दाबी गर्ने अवस्था नरहेको बताएका छन् ।
तर अझै यो औषधिले कति फाइदा दिन्छ यकिन नभएको र निको भए अन्य देशहरूले पनि यसको फाइदा लिन सक्ने बताइएको छ । यस विषयमा भारतको धारणा पनि अमेरिकाले मागेको छ ।
अहिलेसम्म कोरोनाको संक्रमण बिरुद्धको खोप पत्ता लाग्न सकेको छैन । यसअघि मलेरियाको औषधिले निको हुन्छ भनेर परीक्षण गरिए पनि असफल भएको थियो ।
अमेरिकाको एक मेडिकल सेन्टरमा भएको परीक्षाणले मलेरियाको औषधि हाइड्रोक्लोरोक्विनले कोरोना भाइरसको संक्रमण निको नपार्ने प्रमाणित भएको थियो ।
३६८ कोरोना संक्रमितमा गरिएको परीक्षणमा ९७ कोरोना संक्रमितले हाइड्रोक्लोरोक्विनको प्रयोग गरेका थिए । जसमा मृत्यु दर २७.८ प्रतिशत थियो । जबकी १५८ कोरोनाका बिरामी जसमा हाइड्रोक्लोरोक्विनको प्रयोग गरिएको थिएन । जसमा मृत्यु दर ११.४ प्रतिशत थियो । यो परीक्षणपछि अमेरिकी राष्ट्रपति डोनाल्ड ट्रम्पले हाइड्रोक्लोरोक्विन कोरोनाका बिरामीमा परीक्षण बन्द गरिएको बताएका थिए ।