काठमाडौं । भारतीय अन्तरिक्ष अनुसन्धान संगठन (इसरो) ले शुक्रबार आन्ध्रप्रदेशको श्रीहरिकोटास्थित सतीश धवन अन्तरिक्ष केन्द्रको द्वितीय प्रक्षेपण प्याडबाट दक्षिण एसियाली सञ्चार उपग्रह न्क्ब्त्(ढ प्रक्षेपण गरेको छ ।

भारतीय सञ्चार माध्यमले यसबाट दक्षिण एसियामा अन्तरिक्ष कूटनीति बढाउने प्रधानमन्त्री नरेन्द्र मोदीको सपना साकार भएको विश्लेषण गरेका छन् । मई, २०१४ मा सत्तामा आएपछि मोदीले इसरोका वैज्ञानिकहरूलाई यस्तो उपग्रह बनाउन आग्रह गरेका थिए ।

उक्त उपग्रह भारतले आफ्ना छिमेकी देशहरूलाई ‘उपहार’ का उपलब्ध गराएको भारतीय सञ्चार माध्यमको दाबी छ । उक्त उपग्रहलाई इसरोको जीएसएलवी– एफ ०९ रकेटद्वारा प्रक्षेपण गरिएको थियो । 

उपग्रह प्रक्षेपणपछि भारतीय राष्ट्रपति प्रणव मुखर्जीले एक सन्देशसमेत दिएका छन् । प्रधानमन्त्री मोदीले उपग्रह प्रक्षेपणसँगै दक्षिण एसियाका उक्त अभियानका साझेदार राष्ट्रप्रमुखहरूसँग भिडियो कन्फ्रेन्स गरेर खुसी साटासाट गरेको नवभारतको समाचारमा उल्लेख छ ।