काठमाडौं । वायर्न म्युनिखले लगातार पाँचौ पटक जर्मन बुण्डेस लिगा फुटबलको उपाधि जितेको छ । लिग अन्तर्गत शनिबार राति  १० खेलाडीमा सिमित वुल्फबर्गलाई ६–० ले पराजित गर्दै वायर्न म्युनिखले लगातार पाँचौ पटक उपाधि जितेको हो ।
वुल्फबर्गको घरेलु मैदानमा भएको खेलमा वायर्नले दुवै हाफमा समान ३ – ३ गोल गरेको थियो । वायर्नलाई जित दिलाउन रोर्बट लेवान्डोस्कीले दुई तथा डेविड अलाबा, आर्जेन रोबिन, थोमस मुलर र जोस किम्मिचले समान एक एक गोल गरे । खेलको ७८ औं मिनेटमा लुइज गुस्टोभा दोहोरो पहेँलो कार्डखाँदै मैदानबाट बाहिरिएपछि वुल्फबर्ग १० खेलाडीमा सीमित भएको थियो । 
जितसँगै कार्लोस एन्सिलोटीको टोलि वायर्नले लिगका तीन खेल बाँकी हुँदै उपाधि पक्का गरेको हो । योसँगै वायर्न म्युनिख लगातार पाँचौं सिजन बुण्डेस लिगाको उपाधि जित्ने पहिलो टिम बनेको छ । 
जितपछि उपाधि जितिसकेको वायर्नले ३१ खेलबाट ६३ अंक जोडेको छ  । लिगको दोस्रो स्थानमा रहेको लेइप्जिगको ३१ खेलबाट ६३ अंक छ । वुल्फबर्ग ३३ अंक जोडेर लिगको १४ औं स्थानमा छ  ।