काठमाडौं । फ्रान्सको दक्षिणपन्थि नेशनल फ्रन्ट राष्ट्रपतीय उमेदवार मरिन लि पेनले आफूले जितेको खण्डमा आफूसँग पराजित इमानुअल म्याक्रोनलाई प्रधानमन्त्री बनाउने बताएकी छन् ।
केहि दिन अगाडि भएको पहिलो चरणको राष्ट्रपतीय चुनावमा लि पेन तथा म्याक्रोन अन्तिम चरणका लागि छानिएका थिए । दोस्रो चरणको चुनाव ७ मे मा हुँदैछ ।
यसैबीच नेशनल फ्रन्ट राष्ट्रपतीय उमेदवार मरिन लि पेनलाई पहिलो चरणको चुनावमा ४ प्रतिशत भोट ल्याउने निकोलस डुपोट अइगनानले समर्थन गर्ने भएका छन् ।
उनले लि पेनप्रति अछुत व्यवहार अन्त्य गर्नुपर्ने बताएका छन् । अन्तिम चरणको चुनावमा म्याक्रोन विजय हुने मत सर्वेक्षणहरुले जनाएका छन् ।