एजेन्सी । पेरिस सेन्ट जर्मेन (पीएसजी) फ्रेन्च कप फुटबलको सेमिफाइनलमा प्रवेश गरेको छ । बुधबार राति भएको खेलमा पीएसजीले डीजोन एफसीओलाई ६–१ गोल अन्तरले पराजित गर्दै जित निकालेको छ । 

डीजोनको घरेलु मैदानमा भएको खेलमा पीएसजीलाई जित दिलाउन पाब्लो सरावियाले दुई गोल गरे । त्यस्तै केलियन एम्बाप्पे र थाइगो सिल्भाले एक–एक गोल गरे । दुई गोल भने पीएसजीले आत्मघाती उपहार पाएको थियो ।

उता डी जोनका लागि मोनिर चुयरले एक गोल फर्काए । पीएसजीले खेलको पहिलो मिनेटमानै आत्मघाती गोल उपहार पाएको थियो । 

मोनिरले १३ औँ मिनेटमा गोल गर्दै डीजोनका लागि बराबरी गोल फर्काए । ४४ औँ मिनेटमा एम्बाप्पेले पीएसजीका लागि गोल गर्दै खेल २–१ मा पुगाए । पहिलो हाफमा २–१ को अग्रता बनाएको पीएसजीले दोस्रो हाफमा थप चार गोल गर्न सफल भयो ।

५० औँ मिनेटमा शिल्भाले गोल गर्दै पीएसजीको अग्रता ३–० पुगाए । ५५ औँ मिनेटमा सरावियाले पीएसजीका लागि चौथो गोल गरे । ८६ औँ मिनेटमा पीएसजीले पुनः आत्मघाती गोल उपहार पायो । सरावियाले खेलको इन्जुरी समयमा गोल गर्दै ६–१ गोलको जित दिलाए ।