काठमाडौं । साउदी अरेबियाको हायल, सकाका र अल गुरैयातमा बस्ने अवैधानिक नेपालीलाई साउदी अरबमा जारी आम माफीका अवसरमा लाभान्वित गराउने उद्देश्यले नेपाली दूतावासले कर्मचारी खटाउने भएको छ ।
साउदीका उक्त स्थानमा अवैधानिक रूपमा बस्ने नेपालीलाई आममाफीबाट लाभान्वित हुन दूतावासले आग्रह गरेको छ । शुक्रबार २८ तारिखका दिन साउदीस्थित हायलमा सेवा प्रदान गरिने छ भने २९ तारिखका दिन सकाका मा र ३० तारिखका दिन अल गुरैयतमा सेवा प्रदान गरिने दूतावासले जनाएको छ ।
दूतावासले प्रदान गर्ने सेवा र सम्पर्कमा आउनका लागि दूतावासका कर्मचारी भरत खनालको फोन नम्बर ०५५८९००३३९ र सन्तोषकुमार अधिकारीको फोन नम्बर ०५५९५६७५०० मा सम्पर्क गर्न सकिने दूतावासले जनाएको छ ।
साउदीमा तोकिएको अवधिभन्दा बढी बसेका, धार्मिक भ्रमणमा गएर बसेका, अन्य भिसामा अवैध रूपमा बसेका, अनुमतीपत्र बिना नै काम गरिरहेका लगायत आप्रवासीलाई आममाफीले स्वदेश फर्कन सहयोग गर्ने विश्वास लिइएको छ । साउदीमा १ करोड २० लाख आप्रवासी कार्यरत छन् । यस अघि पनि सन् २०१३ मा आममाफी दिइएको थियो ।
यो पनि पढ्नुहोस्
आममाफीबाट१०लाखलाभान्वितहुनेसाउदीसरकारकोविश्वास, आवेदनदिनेकोसंख्याबढ्दो
साउदीमा आममाफीको घोषणा, स्वदेश नफर्कनेलाई १ लाख रियाल जरिमाना