काठमाडौं । साजिद नाडियावालाको निर्देशनमा बनेको विष्फोटक चलचित्र ‘किक’ को सिक्वेलको निकै अघिदेखि चर्चा चलिरहेको छ । साजिद एक पटक फेरि सलमान खानसँग काम गर्दैछन् । र, ‘किक पार्ट २’ बनाउँदैछन् । यद्यपि चलचित्र फ्लोरमा आउने अहिले कुनै खबर छैन ।
फिल्मीबिटका अनुसार चलचित्रसँग जोडिएको ताजा खबरका अनुसार सलमान खानले ‘किक’ कोस्टार ज्याकलिन फर्नान्डिससँग रोमान्स भने गर्ने छैनन् । यद्यपि यो चलचित्रका लागि अर्की अभिनेत्रीको खोजी जारी छ ।
अफवाहमा भने कृति सेननको नाम सबैभन्दा अघि रहेको बताइएको छ ।
ज्याकलिन यो चलचित्रसँग जोडिएकी छैनन् भन्ने हल्ला चल्न थालेपछि ‘किक–२’ सँग कयौँ अभिनेत्रीको नाम जोडिएको छ । चलचित्र सन् २०१८ मा फ्लोरमा आउने अपेक्षा गरिएको छ ।