काठमाडौं । जलवायु परिवर्तनको उच्चतम खराब असरको विश्वका नदीमा देखिन लागेको छ । मौसम परिवर्तनको कारण क्यानाडाबाट बग्ने स्लिम्स नदी ग्लेसियर पग्लिएको केवल चार दिन मा ‘गायब’ भएको छ । अनुसन्धानकर्ताहरुले यसलाई जलबायु परिवर्तनको प्रभाव भएको बताएका छन् । वैज्ञानिकहरुले प्रकिृतिको यो आकस्मिक घटनालाई ‘रिभर पाइरेसी’ (नदी को चोरी) भन्ने नाम दिएका छन् ।
क्यानाडको कास्कावुल्श ग्लेसियरबाट उत्पत्ति भएको १५० मिटर चौडाइ भएको स्लिम्स नदी सयौं बर्षदेखि बगिरहको थियो । बेलयतको द गार्जियनको रिपोर्टअनुसार मौसम परिवर्तनका कारण ग्लेसियरको हिउँ तिब्र गतिले पग्लिएको थियो । जसका कारण नदीको पानीको बहाव यती तिब्र भएको थियो कि उक्त नदीले आफ्नो दिशानै बदल्न पुग्योे । खाषमा तिब्र बहावको कारण नदीले भिन्नै बाटो बनाएको थियो । नदीको बहावको बाटो परिवर्तन गरेका कारण नदीले  आफ्नो पुरानो बाटोबाट लगभग ‘गायब’ भएको  छ । अब यो नदी अलास्काको खाडीतर्फ बग्न थालेको छ ।
एक भूवैज्ञानिकका अनुसार उनले हालै सो नदी बग्ने पुरानो स्थानको भ्रमण गरेका थिए । उनले सो नदी लगभग सुकेको जानकारी दिए । वैज्ञानिकहरुका अनुसार यो प्रकारको ठूलो परिवर्तन हुन लामो समय लाग्छ । उनीहरुका अनुसार ग्लोबल वार्मिङ कारणलेनै स्लिम्स नदी सुक्न पुग्यो भने अर्को तर्फ ग्लेसियरको पानीको दिशा परिबर्तनका कारण अलास्का नदी धेरै    गुणा ठूलो हुन पुग्यो । यस अघि दुबै नदिहरु उस्तै आकारका थिए।