काठमाडौं । ठट्टा मजाकले कहिलेकहीँ आफैँलाई गाह्रो बनाउँछ । कपिल शर्मालाई पनि यस्तै भयो । उनको टिमको बहिष्कारपछि बलिउड स्टार्सले पनि उनलाई त्यस्तै व्यवहार गरेका छन् । सायद यो कपिलका लागि आवश्यक पनि थियो । फिल्मीबिट लेख्छ– गत बुधबार कपिल शर्माको सेटमा कोही स्टार पुगेनन् । न सुगन्धा नै न अली नै पुगे । बाँकी थिए मात्र किकु शारदा । कपिलको शोमा कोही सेलिब्रिटी आउन तयार भएनन्, यसै कारण उनले शोको सुटिङ क्यान्सिल गर्नुपर्यो ।
स्मरणीय कुरा के छ भने यसअघि पनि झगडा (कपिल–चन्दन–सुनिल ÷ डा. महशुर गुलाटी बीचको झगडा) लगत्तै जब कपिलको टिम भारत फर्किए उनले ‘नाम शबाना’को टिमसँग सुटिङ गर्नुपर्ने थियो तर त्यहाँ पुगेर कपिल भक्कानो छाडेर रोइरहेको देखिए ।
यही विवादकै कारण पछिल्लो पटक सुटिङमा सुगन्धा पनि आइनन् । सेटमा किकु शारदा पुगेका थिए । कपिलले दैनिक दश हजारवाला कलाकार बोलाएका थिए । तर किकुका साथ मात्र कपिलले केही सुट गर्न सक्दैन थिए । आफ्नो चलचित्रको सुटिङ अगाडि कपिलले सोनी टीभीलाई कैयौँ एपिसोड सुट गरेर दिनुपर्नेछ । तर अहिले शोको कुनै भविष्य देखिएको छैन ।
यसबाहेक कपिलसँग जोडिएको एउटा कुरोले चकित बनाएको छ । कपिलले अहिले आफ्नो कमाइ तुलनात्मक रूपमा २०६ प्रतिशत वृद्धि गरेका छन् । हेरौँ फिल्मीबिटको रिपोर्टमा आधारित यो सामग्रीः बलिउडमा दैनिक कति कमाउँछन् कमेडियन ?
आमिर खानभन्दा बढी आयकर तिरे कपिलले
यो वर्ष बलिउड स्टारमा कसले कति आयकर तिरे यो जान्न सबै उत्सुक हुन्छन् । पहिलो नम्बरमा सलमान खान थिए, दोस्रोमा अक्षय कुमार, तेस्रो नम्बरमा ऋतिक रोशन थिए । कपिलले भने २० करोड आयकर तिरे । आयकर विभागका अनुसार कपिलको एकवर्षमा कमाइ २०६ प्रतिशतले बढेको छ ।
कपिलले यो वर्ष आमिर खान, शाहरुख खान, अजय देवगनजस्ता सुपरस्टार्सभन्दा बढी कर तिरे । उनको कमाइ सुुन्ने हो भने होस् उड्छ । तर योभन्दा पनि बढी आश्चर्यजनक कुरो कपिल र सुनिल ग्रोवरको पारिश्रमिकको अन्तर छ । हेरौँ यहाँ टेलिभिजनका महंगा अभिनेता
कपिल शर्मा एकदिनको पारिश्रमिक ७५ देखि ८५ लाखसम्म लिन्छन् । बाहिर उनी कुनै शो गर्छन् भने त्यसको पारिश्रमिक छुट्टै हुन्छ । कपिलपछि टाढाटाढासम्म उनको बराबर कोही छैन ।
कृष्णा अभिषेकको पारिश्रमिक प्रत्येक दिनको ३५ लाख रुपैयाँ छ । तेस्रो नम्बरमा आउँछिन्, भारती सिंह जसले एक दिनको २८ लाख रुपैयाँ चार्ज गर्छिन् । यति मात्र होइन ‘नच बलिए’ मा आफ्ना ब्वाइफ्रेन्डसँग नाच्नका लागि उनले प्रत्येक दिन ३० लाख चार्ज गर्दैछिन् ।
सुनिल ग्रोवर सधैँ कपिलको टिमका उत्कृष्ट पार्ट हुन् । तर उनको र कपिलको पारिश्रमिकको अन्तरमा आकाशपातालको फरक छ । सुनिल एक दिनको १८ लाख रुपैयाँ लिन्छन् ।
सानै उमेरमा सिद्धार्थ कहाँबाट कहाँ पुगे उनी एक दिनको १४ लाख रुपैयाँ लिन्छन् ।
गौरव ‘कमेडी नाइट्स लाइभ’बाट चर्चामा आएका थिए । यद्यपि सोसल मिडियामा उनी निकै प्रसिद्ध छन् । उनी एकदिनको पारिश्रमिक १२ लाख रुपैयाँ लिन्छन् । सुमोनाले कपिलको अनस्क्रिन श्रीमतीका रूपमा निकै प्रशंसा कमाइन । अहिले उनी १० देखि १२ लाख रुपैयाँ दैनिक पारिश्रमिक लिन्छिन् ।
पलकको नामबाट चर्चित किकु शारदाले यो शोभन्दा अघि ‘एफआइआर’ बाट निकै नाम कमाएका थिए । यो शोमा उनी प्रतिदिन ७ देखि ९ लाख रुपैयाँसम्म पारिश्रमिक लिन्छन् ।
नानी अर्थात अली असगरको प्रतिदिनको पारिश्रमिक ८ लाख छ । यो सबै विवाद झगडा चन्दन प्रभाकरलाई हप्कीदप्की गरेकाबाट सुरु भएको थियो । चन्दु कपिलका कलेजका साथी हुन् । र उनी प्रत्येक दिन ४ लाख रुपैयाँ पारिश्रमिक लिन्छन् ।