घटना क्रम
काठमाडौं । प्रधानमन्त्री पुष्पकमल दाहाल प्रचण्डले सीमांकनबाहेकका विषयमा सहमतिमा आइदिन प्रमुख प्रतिपक्ष दल नेकपा एमालेलाई आग्रह गरेका छन् ।
सभामुखको सचिवालयमा भएको बैठकमा प्रधानमन्त्री दाहालले एमालेका अध्यक्ष केपी शर्मा ओलीसँग यस्तो आग्रह गरेका हुन् ।
नेता बामदेव गौतमसँग सभामुखको सचिवालय पुगेका ओलीले अहिले कुनै पनि विषयमा हतार नगरी चीन भ्रमण गरेर आउन आग्रह गरेका थिए ।
“सीमांकनबाहेकका विषयमा सहमति जुटाऔं भन्ने प्रधानमन्त्रीको आग्रह थियो,” बैठकपछि गौतमले पत्रकारसँग भने, “हामीले हतार नगरौं भनेर भन्यौं । तपाइँ जानुअघि यो गर्नैपर्छ भन्ने छैन, आएपछि पनि गर्न सकिन्छ तर संविधान संशोधनको पक्षमा अहिले एमाले उभिन सक्दैन ।”
प्रकाशित मिति: बिहीबार, चैत १०, २०७३ १८:०८
प्रतिक्रिया दिनुहोस्