काठमाडौं । भूकम्पपछिको पुनर्निर्माणको काम सुस्त गतिमा भएको भन्दै व्यवस्थापिका संसद्को विकास समितिले प्रधानमन्त्री पुष्पकमल दाहाललाई बोलाउने भएको छ ।
समितिको बिहीबार बसेको बैठकमा पुनर्निर्माणको कामले गति लिन नसकेको भन्दै पुनर्निर्माण प्राधिकरणका अध्यक्षसमेत रहेका प्रधानमन्त्री दाहाललाई बोलाउने निर्णय गरेको हो । प्रधानमन्त्री दाहाललाई एक साताभित्र बोलाई पुनर्निर्माणलाई थप गति दिने बारे छलफल हुने समितिका सभापति रविन्द्र अधिकारीले बताए । प्राधिकरणका प्रमुख कार्यकारी अधिकृत (सीईओ) लगायत अन्य मन्त्रालयका सचिवले सन्तोषजनक विवरण नदिएपछि समितिले प्रधानमन्त्री दाहाललगायत अन्य मन्त्रीसँग संयुक्त छलफल गर्ने निर्णय गरेको हो ।