काठमाडौं । इंग्लिश प्रिमियर लिग फुटबलमा एभर्टनले सहज जित निकालेको छ । लिग अन्तर्गत शनिबार राति भएको खेलमा सहज जित निकाल्ने क्रममा एभर्टनले रेलिगेसन जोनमा रहेको सन्डरल्याण्डलाई २–० ले पराजित गरेको हो ।
एभर्टनलाई जित दिलाउन इड्रीसा गुएये र रोमेलु लुकाकुले एक एक गोल गरे । घरेलु मैदानमा भएको खेलमा एभर्टनले दुवै हाफमा एक एक गोल गरेको थियो । खेलमा एभर्टनले ४० औ मिनेटमा इड्रीसा गुएयेको गोलबाट सुरुवाती अग्रता बनाएको थियो ।
पहिलो हाफ १–० ले अघि रहेको एभर्टनको लागि दोस्रो हाफको ८० औ मिनेटमा लुकाकुले थप एक गोल गर्दै टोलीलाई सहज जित दिलाए । जितसंगै एभर्टन लिगको सातौं स्थानमा उक्लिएको छ ।
एभर्टनले २६ खेलबाट ४४ अंक जोडेको छ । लिगको पुछारमा रहेको ले १९ अंक जोडेको छ । इंग्लिश प्रिमियर लिग अन्तर्गत नै शनिबार भएको अर्को खेलमा क्रिष्टल प्यालेसले मिडल्सबर्गलाई १ – ० ले पराजित गरेको छ ।
जितसंगै २२ अंक जोडेको क्रिष्टल रेलिगेसन जोन भन्दा एक स्थान माथी रहेको छ । समान २२ अंक नै जोडेको मिडल्सबर्ग १६ औ स्थानमा छ ।