काठमाडौं । हिमालयन ड्राइभ पाँचौ अन्तर्राष्ट्रिय कार र्यालीका सहभागी हुन १६ जना नेपालीको टोली सिलगुडी प्रस्तान गरेको छ । ६० वटा कारमा २५० जना सहभागि हुनेछन् । जसमा ५ वटा नेपालका, २० वटा आयोजकका र अन्य भारत तथा भुटानका कार हुनेछन् । र्याली फागुन १४ गते बाट सुरु भएर चैत १९ गते सकिने छ ।
यसैबीच नेपाल अटोमोबाइल एसोसिएसन पूर्वाञ्चल शाखाले उक्त टोलीलाई बिदाई गरेको छ । नेपाली टोलीलाई उपाध्यक्ष भविशकुमार श्रेष्ठ सदस्यहरु सन्तोषकुमार थापाको टोलीले बिदाई गरेको हो ।
एसोसिएसनका पूर्वाञ्चल सदस्य सन्तोष थापाले भारतबाट सुरु हुने र्याली भुटान हुँदै नेपालमा इलामको पशुपतिनगरबाट प्रवेश गरेर विर्तामोड, इटहरी, भेडेटार, हिले भएर विराटनगरको महेन्द्रचोकबाट भारतको सिलिगुडीमा पुगेर समापन हुने जानकारी दिए ।
थापाले नेपाल, भारत र भुटानको सांस्कृतिक, पर्यटन तथा व्यवसायिक विकास तथा समन्वयका लागि र्यालीले महत्वपूर्ण भूमिका निर्वाह गर्ने विश्वास व्यक्त गरे ।
र्यालीमा प्रथम हुनेलाई भारतीय एक लाख रुपैयाँ, दोस्रो हुोलाई ५० हजार र तेस्रोलाई २५ हजार रुपैयाँ नगद र ट्रफी प्रदान गरिने आयोजकले जनाएको छ ।