साहित्य
काठमाडौं । जनकवि दुर्गालाल श्रेष्ठ राष्ट्रिय बाल साहित्य पुरस्कार बाल साहित्यकार कल्पना प्रधान तथा डा. कविताराम श्रेष्ठलाई प्रदान गरिएको छ ।
इतिहासकार चित्तरञ्जन नेपालीले शनिबार एक समारोहमा पुरस्कार प्रदान गरे । जनकवि दुर्गालाल श्रेष्ठले बाल साहित्यको क्षेत्रमा पुरस्कृत प्रतिभाले दिएको योगदानको प्रशंसा गर्दै पुरस्कार ग्रहण गरेकोमा धन्यवाद दिका थिए ।
कार्यक्रममा डा. कविताराम श्रेष्ठद्वारा संकलित '१२७ हस्ताक्षर' पनि लोकार्पण गरियो । यस संकलनमा साहित्यकारलाई घरमै भेटी त्यस समयमा मनमा के आएको छ उक्त लेख्न आग्रह गरिएको थियो । वि.सं. २०२५ साल देखि २०५९ सालसम्म विभिन्न समयमा साहित्यकारहरूले लेखेको हस्ताक्षर नै उक्त पुस्तकमा संकलित छ ।
प्रकाशित मिति: शनिबार, फागुन १४, २०७३ १६:०५
प्रतिक्रिया दिनुहोस्