काठमाडौँ । नेकपा एमालेले छ भाषामा छापिएको अपिल बोकेर तराई पस्ने भएको छ ।  ‘राष्ट्रिय एकता, समृद्धि र स्वाभिमान संविधानको कार्यान्वयन : एमालेको अभियान’ ना दिएको मेची–महाकाली राष्ट्रिय अभियानका लागि नेपाली, मैथली, थारु, भोजपुरी, अवधि, डोट्याल भाषामा अपिल प्रकाशित गरेको हो ।

२१ फागुनदेखि सुरु हुने अभियान काँकडभिट्टाबाट सुरु भएर चैत पाँच गते सुर्खेतमा जनसभा गरेर सम्पन्न गर्ने एमाले बताएको छ ।

१५ दिने अभियानमा करिब २८ वटा सभा गर्ने छ भने ठाउँठाउँमा पदयात्रा गर्ने लक्ष्य एमालेको छ । तराईको जनमतलाई रक्षा गर्दै थप जनसमुदायलाई आकर्षित गर्न र एमालेप्रति मधेसमा रहेको भ्रम हट्न अभियान फलदायी हुने विश्वास नेतृत्वले लिएको छ । 

त्यसो त एमाले अध्यक्ष ओलीले अभियान अवधिभर सम्बन्धित जिल्लाका स्थानीय तहका कार्यकर्तालाई सडकमा ओर्लिएर नारा लगाउन, जिल्ला कमिटीहरूलाई गाँस र बासको प्रवन्ध मिलाउन निर्देशन दिइसकेका छन् भने अभियान आँधी, हुरी, बताँस र जस्तै व्यवधान आए पनि नरोकिने स्पष्ट पारेका छन् ।
हेरौँ ६ भाषाको अपिल