काठमाडौं । लोकदोहोरी गायिका मुना थापाले बिहीबार बिहानै आफ्नो फेसबुक एकाउन्टमा एउटा स्टाटस पोस्ट गरिन् । ‘कता हुनुहुन्छ ? भृकुटीमण्डपमा भेटौं है आज ।’ उनको पोस्ट दोहोरी प्रतियोगितामा सहभागी हुन आफना दर्शक, स्रोता तथा सुभचिन्तकप्रति लक्षित थियो ।
उनले आजबाट सुरु हुन लागेको तेस्रो अन्तर दोहोरी साँझ स्तरीय रनिङ्ग शिल्ड राष्ट्रिय दोहोरी गीत प्रतियोगितामा सहभागी हुन निम्ता दिएकी हुन् ।
भृकुटीमण्डपमा आजबाट सुरु हुने प्रतियोगिता १६ गतेसम्म चल्नेछ ।
बिहान १० बजेदेखि सुरु हुने प्रतियोगिता साँझ ५ बजेम्म चल्ने ओयोजकले जनाएको छ । प्रतियोगिता हेर्नका लागि ५० रुपैयाँको टिकटको व्यवस्था गरिएको आयोजकले जानकारी दिएको छ ।
प्रतियोगितामा प्रथम हुनेले १ लाख ५ हजार पुस्कार प्राप्त गर्नेछन् भने दोस्रो हुनेले ७५ हजार तथा तेस्रो हुनेले ५० हजार प्राप्त गर्नेछन् । यस्तै सान्तवना पुरस्कार २५ हजार प्रदान गरिनेछ भने उत्कृष्ठ गायक र गायिकाले १५र१५ हजार रुपैयाँ प्राप्त गर्नेछन् ।
